| e-texts navigator |
| Wylie |
325a1 མདུད་གསུམ་ནི་དྲིལ་ལེགས།། རིན་པོ་ཆེའི་གཏིང་གི་མུན་གསལ།། ཆེ་ཆུང་ནི་ཡངས་ལ་ལྷུན་འཐུག། རིན་པོ་ཆེ་རྒྱལ་མཚན་གྱི་རྩེ་ལ་ནུབ་པ་མེད། རིན་པོ་ཆེ་སྒྲོན་མ་འབར་བ་ནི་འོད་གསལ།། རིན་པོ
325a2 ཆེ་གསང་བའི་ཡེ་ཤེས་ལ་འཕེལ་འགྲིབ་མེད། རིན་པོ་ཆེ་རྣམ་པར་གྲོལ་བའི་ལམ་ལ་བགྲོད་དུ་མེད།། རིན་པོ་ཆེ་སྐུ་གདུང་འབར་བ་མཆོད་རྟེན་ནི་བརྩེགས་ལེགས།། རིན་པོ་ཆེ་རྡོ་རྗེའི་གདན་ལ་འགྱུར་བ
325a3 མེད།། རིན་པོ་ཆེ་སྟོང་པའི་ལམ་ལ་ཐུག་པ་མེད། དགོངས་པ་རང་གནས་ཀྱི་མན་ངག་ཏུ་བསྟན་པའོ།། དེ་ནས་དེ་བཞིན་གཤེགས་པ་དེས་འཁོར་གྱི་བྱང་ཆུབ་སེམས་དཔའ་རྣམས་ལ་བཀའ་སྩལ་པ། ཀྱེ་ཉེ་བའི་འཁོར
325a4 རྣམས་ལེགས་པར་ཉོན་ཅིག། ངས་ཡེ་ཤེས་དང་ཐབས་ལ་འཇུག་པའི་སྒོ་མ་ཤེས་ནས། ཞིང་ཁམས་རྒྱན་བཟང་པོ་ཞེས་བྱ་བར་དེ་བཞིན་གཤེགས་པ་གློག་གི་འོད་ཟེར་སྙིང་པོ་ཞེས་བྱ་བས་ང་ལ་ལུང་བསྟན་པ། ཀྱེ
325a5 རྒྱལ་བའི་སྲས་པོ་ཉོན་ཅིག། ཡང་དག་པར་རྫོགས་པའི་སངས་རྒྱས་ཀྱི་དགོངས་པ་ལ་མཐར་ཐུག་པ་མེད་དོ།། སངས་རྒྱས་ཀྱི་དགོངས་པ་ལ་ཚད་མེད་དོ།། ཤེས་རབ་ལ་རྩིས་མེད་དོ།། གནས་ལ་བཟང་ངན་མེད
325a6 དོ།། བལྟ་བ་ལ་ཡིན་མིན་མེད་དོ།། གཞི་ལ་རྒྱ་ཆད་མེད་དོ།། ལམ་ལ་འཕོ་འགྱུར་མེད་དོ།། འབྲས་བུ་ལ་འགྱུར་ལྡོག་མེད་དོ།། ཡེ་ཤེས་ལ་གསལ་འགྲིབ་མེད་དོ།། ཤེས་རབ་ལ་སེམས་མེད་དོ།། གསང
iiif viewer powered by OpenSeadragon
