| e-texts navigator |
| Wylie |
323b1 ལས་གྲོལ།། སྣང་དང་སྟོང་པའི་ཐ་སྙད་མེད།། ཡེ་ཤེས་ཡེ་ཤེས་ཁྱད་པར་ལས།། གསང་སྔགས་དོན་ལས་འདས་པ་མེད།། ཡེངས་དང་མ་ཡེངས་གཉིས་སུ་མེད།། ཡང་ནས་ཡང་དུ་ཡེ་ཤེས་མཐོང་།། མཐོང་བ་དེ་ལས
323b2 དཔེ་གཞན་མེད།། གསལ་ལ་འཛིན་པའི་བདུད་མེད་ན།། བྱས་པས་ཡང་དག་མེད་པ་ཉིད།། རང་གི་སྣང་བ་ཆེན་པོ་ཉིད།། ཡོད་པ་མ་ཡིན་མཁའ་ལ་ཐིམ།། མེད་པ་མ་ཡིན་རང་འོད་འབར།། ནམ་མཁའི་ངང་ལ་ཡེ
323b3 ཤེས་བཞི།། སྟོང་པའི་ངང་ལས་འོད་དུ་གསལ།། ཚད་མེད་ངང་ལས་ཡེ་ཤེས་གསལ།། ཡོད་མེད་ངང་ལས་སངས་རྒྱས་རྙེད།། བདེ་ཆེན་དང་དུ་མངོན་རྫོགས་རྙེད།། རྡོ་རྗེ་ཡེ་ཤེས་སེམས་དཔའི་ཚུལ།། གསང་སྔགས
323b4 ཡེ་ཤེས་དོན་ལ་སྣང་།། འཛིན་མེད་ཡེ་ཤེས་ཡུལ་ལ་སྣང་།། རང་སྣང་རྣམ་དག་དགོངས་པ་ནི།། བསམ་ལས་འདས་པའི་ཆོས་སྐུའི་དོན།། ཡོད་མེད་ཡུལ་དང་ཞེན་པ་སངས།། རྣམ་པ་སྟོང་དང་གཏིང་ན་གསལ།། བྱས
323b5 པའི་ཆོས་ལས་དེ་བཞིན་འདས།། དགོངས་པའི་ཡེ་ཤེས་རང་བྱུང་བ།། ཡུལ་དང་སྙིགས་མའི་སྣང་བ་མེད།། ས་ལ་གནས་དང་འགྲོ་བ་མེད།། རྟོག་པ་ཡུལ་གྱི་རྩ་བ་མེད།། ཀྱེ་མ་གསང་སྔགས་རྡོ་རྗེའི་བདག། ཡོད
323b6 མེད་གཉིས་ཀྱི་མཐའ་ལས་འདས།། གསང་སྔགས་ཚིག་ལས་དོན་བྱུང་བས།། བློ་ཡི་གཏིང་དུ་ཡང་དག་གོ། ཀྱེ་མ་ཡེ་ཤེས་བདེན་པ་ཉིད།། ཡུལ་དུ་མེད་ལ་ལམ་དང་བཅས།། སྣང་བ་ཡུལ་གྱི་འཛིན་པ་མེད།། བྱས
iiif viewer powered by OpenSeadragon
