| e-texts navigator |
| Wylie |
323a1 རོལ་ཕྱིན།། རྟོག་མེད་ལམ་ལ་དཀྱིལ་འཁོར་རྫོགས།། སེམས་སོགས་འཕྲོ་བའི་འཆིང་བ་གྲོལ།། བསམ་སོགས་སྟོང་པའི་ཆོས་དང་བྲལ།། ཡིན་མིན་བཟང་ངན་ཡུལ་ལས་འདས།། མཐའ་རུ་ལྷུང་བའི
323a2 ཆོས་ལས་གྲོལ།། འོད་གྱི་སྣང་བ་འགག་མེད་ཅིང་།། ཟེར་གྱི་སྤྲུལ་པ་ཕྱོགས་བཅུར་འཕྲོ།། མ་རིག་འཆིང་བའི་མདུད་པ་གྲོལ།། ཡེ་ཤེས་སྣང་བ་ཆེན་པོ་རྙེད།། ལམ་དང་བྱ་བྱེད་ཆོས་ལས་འདས།། བཟང་ངན་ཡུལ
323a3 དང་འཛིན་རྟོག་བྲལ།། ཤེས་དང་མི་ཤེས་ཚིག་གི་ལམ།། གསང་སྔགས་ཀུན་གྱི་བཅུད་ཕྱུང་བ།། ཤེས་རིག་ཡུལ་གྱི་རྟ་ཕོ་ལ།། ཤེས་རབ་འགག་མེད་མིས་ཞོན་ནས།། བར་སྣང་ཁམས་སུ་ལམ་ཕྱུང་ནས།། སྟོང་པ་ཆེན
323a4 པོའི་ཆོས་རྣམས་སྡུད།། ལམ་གྱི་གཏན་ཚིགས་བརྒྱད་དང་བྲལ།། འཛིན་རྟོག་ཡུལ་གྱི་དྲི་མ་སངས།། བདེ་བའི་ཡེ་ཤེས་འགག་པ་མེད་པའོ།། ཨེ་མ་ཧོ།། ཡངས་སོ་ཆེའོ་ཆེས་ཆེའོ།། ཆུང་ངུ་རྣམས་ཀྱི་གཉེན་པོ
323a5 མཛད།། བདེ་བའི་ལམ་ལ་ཟད་མེད་ཕྱིར།། ཡང་དག་གསང་བ་དོན་གྱི་བཅུད།། ཐབས་དང་ཤེས་རབ་དོན་ལ་འཕགས།། ཨེ་མ་ཧོ།། སྟོང་པ་ཡུལ་གྱི་ནམ་མཁའ་ལ།། ཡང་དག་བདེ་བའི་སྐུ་གཅིག་ཤར།། བྱས་པས
323a6 མཚན་མའི་ཆོས་ལས་གྲོལ།། སྐྱེ་འགག་མེད་པ་སོ་སོར་གསལ།། འབྱུང་འཇུག་མེད་པར་མཁའ་ལ་འཁྱིལ།། ཡོད་མེད་བཟང་ངན་རྟོག་པ་སངས།། ཅིག་ཅར་རིམ་གྱིས་བསྐྱེད་དུ་མེད།། ཡིན་མིན་མཚན་མའི་ཆོས
iiif viewer powered by OpenSeadragon
