| e-texts navigator |
| Wylie |
322b1 རིགས།། ཡེ་ཤེས་སྐུ་ལ་ཡོན་ཏན་རྫོགས།། ཆོས་ཀྱི་སྐུ་ལ་མཚན་མ་གྲོལ།། ཡུལ་གྱི་སྐུ་ལ་འཛིན་པ་སྤངས།། ང་ཉིད་མ་བསྐྱོད་དབྱིངས་སུ་གཤེགས།། ང་ཉིད་རིག་པའི་སྐུ་དང་འཕྲད།། རྟོགས་མཐོང་ལྡན་པའི་གང
322b2 ཟག་ལ།། རྟོག་པ་ཡུལ་གྱི་མཐའ་ལས་གྲོལ།། རྣམ་རྟོག་སེམས་ཀྱི་དྲི་མ་མེད།། ངར་རྟོག་ཞེ་སྡང་མདུད་པ་གྲོལ།། ཤེས་རབ་ཡུམ་གྱི་མཁའ་ལ་རོལ།། སྟོང་པ་རང་སངས་ངོ་བོ་ཉིད།། ཡུལ་ནི་སྟོང་པའི་མཁའ་ལ
322b3 རོལ།། སེམས་དང་རྣམ་རྟོག་འཛིན་པ་མེད།། ཡུལ་དང་དབང་པོ་ཐ་དད་མེད།། ཤེས་བྱ་ཡུལ་གྱི་བདུད་དང་བྲལ།། སྟོང་པ་རང་བྱུང་རང་ཤར་སྐུ།། རྒྱུ་རྐྱེན་གཉིས་དང་བཅས་པའོ།། ཨེ་མ་ཧོ།། ཡང་དག་དོན་གྱི་ཡེ
322b4 ཤེས་ནི།། མིང་དང་སྒྲ་དང་ཐ་སྙད་ཆོས་དང་བྲལ།། ཡང་དག་རྫོགས་པའི་སངས་རྒྱས་རྣམས།། བླ་མེད་འབྲས་བུ་རྙེད་པའི་ཕྱིར།། གསང་སྔགས་རྫོགས་པའི་ཐེག་ཆེན་འདི།། སུས་ཀྱང་རྙེད་པར་མི་འགྱུར་ཏེ།། རྣལ
322b5 འབྱོར་གསང་སྔགས་བདག་པོ་ཡིས།། ཐེག་རྒྱལ་འདི་ནི་ཐུགས་སུ་ཆུད།། ལམ་གྱི་མཆོག་དང་ཉེ་རིང་མེད།། གསང་སྔགས་དོན་དང་འདུ་འབྲལ་མེད།། ཡེ་ཤེས་ལམ་ལ་མཐར་ཐུག་མེད།། འབྱུང་བའི་དཀྱིལ་འཁོར
322b6 འོད་དུ་གསལ།། ཟག་མེད་ལམ་ལ་དེ་བཞིན་གཤེགས།། བགྲོད་མེད་ལམ་ལ་རྣམ་པར་འཁོད།། ཆགས་མེད་ལམ་ལ་དེ་བཞིན་གཤེགས།། མཐར་ཐུག་ལམ་ལ་གཉིས་མེད་གསལ།། རྣམ་དག་ལམ་ལ་ཕ
iiif viewer powered by OpenSeadragon
