| e-texts navigator |
| Wylie |
322a1 འདུས་པའོ།། ཨེ་མ་ཧོ།། ཡང་དག་གསང་བ་ཐུགས་དཀྱིལ་ན།། མ་བཀོད་ནོར་བུའི་ཕུང་པོ་བཞིན།། འོད་ཟེར་ནམ་མཁའི་མཐའ་དང་མཉམ།། ཡུལ་མེད་ཡུལ་ལ་གཅིག་པར་འཁྱིལ།། ལམ་མེད་ལམ
322a2 ལས་མཐར་ཕྱིན་ཞིང་།། རྟོག་མེད་ཡུལ་ལས་མངོན་སངས་རྒྱས།། གདོད་ནས་དག་པའི་སྣང་སྲིད་སྐུ།། བལྟས་པ་མེད་པར་ཐམས་ཅད་གསལ།། ཕྱིན་པ་མེད་པས་གནས་སུ་བགྲོད།། དོན་མེད་ཡུལ་གྱི་བལྟ་བ
322a3 མཐོང་།། དམིགས་པ་དག་པའི་མཁའ་ལ་གསལ།། ཟག་མེད་ལམ་ལ་མཐར་ཕྱིན་འགྱུར།། རང་སྣང་ཡུལ་ལ་དེ་བཞིན་གཤེགས།། བགྲོད་མེད་ལམ་ལ་འགྱུར་བ་མེད།། རྡོ་རྗེའི་ལམ་ལ་ཐིག་ལེ་འཕྲོ།། འདས
322a4 པའི་ལམ་ལ་སྣང་སྲིད་གསལ།། སངས་རྒྱས་ཡེ་ཤེས་མཉམ་པའི་དོན།། ང་མེད་ང་ཡི་ངང་དུ་རྫོགས་ཤིང་འཕྲོ།། བདག་མེད་རྫོགས་པའི་ཆོས་ཉིད་དོ།། ཡུལ་མེད་རང་བྱུང་དོན་ལ་འཇུག། རྟོག་མེད་གསང་སྔགས་དོན
322a5 ལ་སྦྱར།། འཛིན་མེད་རང་སྣང་ནམ་མཁའ་ལྡིང་།། བདེ་གཤེགས་ས་བོན་མྱུ་གུར་བཅས།། མཐར་སྤྱོད་ཆོས་ཀྱི་འཛིན་པ་མེད།། རྣམ་རྟོག་གཡེང་བའི་བདུད་དང་བྲལ།། ཡོད་དང་མེད་པའི་ཆོས་ལས་གྲོལ།། གཟུང
322a6 འཛིན་སེམས་ཀྱི་དྲི་མ་མེད།། རྣམ་རྟོག་ཡུལ་གྱི་བདུད་དང་བྲལ།། སངས་རྒྱས་ལམ་དང་འདུ་འབྲལ་མེད།། གསང་བའི་ཡེ་ཤེས་མཁའ་ལ་བསྐྱོད།། འཛིན་པ་མེད་པར་རང་སར་ཐལ།། རྡོ་རྗེ་རྡོ་རྗེ་གསང་བའི
iiif viewer powered by OpenSeadragon
