| e-texts navigator |
| Wylie |
320b1 ཀྱིས།། སརྦ་སི་ཏི་སཾ་ཧ་ར་ཎ་ཧཱུཾཿ། ཞེས་བརྗོད་པས་སྐུ་དེ་དག་ཐམས་ཅད་ཐུགས་ཀར་ཐིམ་ནས། དེ་ནས་ཡང་ཏིང་ངེ་འཛིན་ལ་སྙོམས་པར་ཞུགས་སོ།། དེ་བཞིན་གཤེགས་པ་གཟི་བརྗིད་རྣམ་པར་བཀོད་པ་དེས།།
320b2 བཅོམ་ལྡན་འདས་ཁྲོ་རྒྱལ་དེ་ཉིད་ལ་བསྐོར་བ་ལན་གསུམ་བྱས་ནས་མི་སྣང་བའི་ཆོས་ཉིད་ཀྱི་ཕོ་བྲང་ཆེན་པོ་རྣམ་པར་དག་པར་གཤེགས་སོ།། ཞེས་རིག་པ་རང་ཤར་ཆེན་པོའི་རྒྱུད་ལས། མཁའ་འགྲོ་མས་སྙིང་པོ
320b3 ཕུལ་བའི་ལེའུ་སྟེ་གྱ་གཉིས་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། བཅོམ་ལྡན་རྡོ་རྗེ་འོད་དཔག་མེད།། ཏིང་ངེ་འཛིན་ལས་བཞེངས་སུ་གསོལ།། ཀྱེ་ཧོ་བཅོམ
320b4 ལྡན་ཐུགས་རྗེ་ཅན།། ཡང་དག་ངེས་པའི་སར་སྒྲོལ་ཕྱིར།། ཏིང་ངེ་འཛིན་ལ་མ་བཞུགས་ཤིག། འཁོར་གྱི་རྟོགས་པའི་རྒྱུད་ཉིད་སོལ།། མ་རིག་མུན་པ་ལེགས་བསལ་ཅིང་།། ཡེ་ཤེས་སྣང་བ་བསྟན་པའི་ཕྱིར།། བདག
320b5 ཅག་རྣམས་ལ་བཀའ་སྩལ་ཞུ།། ཞེས་ཞུས་སོ།། དེ་ནས་བཅོམ་ལྡན་འདས་ཁྲོ་བོའི་ཆ་ལུགས་ཅན་ཏིང་ངེ་འཛིན་ལས་བཞེངས་ནས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་འོད་ཀྱི་སྣང་བའི
320b6 ཁེངས་སོ།། ཕྱོགས་ཐམས་ཅད་ཀྱང་རྣམ་པ་དྲུག་ཏུ་གཡོས་སོ།། འཇིག་རྟེན་གྱི་ཁམས་ཐམས་ཅད་ཀྱང་འུར་འུར་རབ་ཏུ་འུར་འུར་རོ།། ཆེམ་ཆེམ་ཀུན་ཏུ་རབ་ཏུ་ཆེམ་ཆེམ་མོ།། ཀུན་ཏུ་འགུལ་རབ་ཏུ་འགུལ་ལོ།། རབ
iiif viewer powered by OpenSeadragon
