| e-texts navigator |
| Wylie |
319a1 ཀྱེ་སྟོན་པ་ཆེན་པོ་ཡེ་ཤེས་སྐྱེ་བའི་རྒྱུ།། བདག་ཅག་མཁའ་འགྲོ་མའི་རིགས་རྣམས་ལ། དོན་གྱི་སྙིང་པོ་བསྟན་པའི་ཕྱིར།། རང་རང་སྙིང་པོ་ཡང་དག་བཟུང་།། དེ་ཡི་ཡེ་ཤེས་ལྷ་དང་འཕྲད།། འཕྲད་ནས
319a2 དངོས་གྲུབ་རྙེད་པར་འགྱུར།། དེ་ནས་དེ་བཞིན་གཤེགས་པ་དེས།། ཤིན་ཏུ་གསང་བའི་སྙིང་པོ་རྣམས།། འདི་རུ་མ་བསྟན་གཞན་དུ་སྦས།། དེ་ནས་ཡང་དག་མ་མོའི་ཚོགས།། དཔག་ཏུ་མེད་པར་ཚོགས་པ
319a3 རྣམས།། དགའ་མགུ་ཡི་རང་ཐལ་མོ་སྦྱར།། མཚོན་པའི་ཚིག་གིས་འདི་སྐད་བརྗོད།། ཀྱེ་མ་རྡོ་རྗེ་རྒྱལ་པོ་ཉིད།། སྙིང་པོ་བཞེས་པ་རྗེས་ཡི་རང་།། བདག་ཅག་མཁའ་འགྲོའི་འཁོར་རྣམས་ཀུན།། བསྟན་པ་འདི་ལ་མ
319a4 གནས་ན།། ཤ་འགུལ་སྙིང་འདར་མགོ་ལུས་འབྲལ།། མགོ་བོ་དུམ་བུ་སྟོང་དུ་འགྱུར།། ལུས་དང་ཡན་ལག་དེ་བཞིན་ནོ།། དེ་ཕྱིར་བསྟན་པ་འདི་ལ་གནས།། རྒྱུད་ཆེན་འདི་ཡི་མེལ་ཚེ་བྱེད།། ཅེས་ནི་ཁས་བླངས་དམ
319a5 བཅས་པས།། བཅོམ་ལྡན་ཉིད་ཀྱི་ཞལ་ན་རེ།། མཁའ་འགྲོ་ཆེན་མོ་དེ་བཞིན་ནོ།། ཁས་བླངས་དེ་ལས་མ་འདའ་བར།། རང་རང་དོན་ལ་བརྩོན་པར་གྱིས།། ཡེ་ཤེས་སྤྲུལ་པ་ཕྱོགས་བཅུར་ཁྱེ།། ཞེས་སྟོན་པ་དེ་ཉིད
319a6 ཀྱི་སྤྱན་སྔར་དམ་བཅས་སོ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་ཐུགས་རྗེ་ཆེན་པོ་དང་ལྡན་པ། མཁའ་འགྲོ་མ་དེ་རྣམས་ཀྱིས་ལུང་བསྟན་པ་བྱུང་ན་ཅི་ལྟར་བགྱི།། སྟོན
iiif viewer powered by OpenSeadragon
