| e-texts navigator |
| Wylie |
318a1 ཚད་མེད།། ཡེ་ཤེས་ཡུལ་ནི་ཡངས་པ་ཆེ།། ཡེ་ཤེས་སྤྲུལ་པ་མཐའ་ཡས་ཤིང་།། སེམས་ཅན་མཐའ་ལ་ཐུག་པ་མེད།། ཡེ་ཤེས་སྐུ་ལ་འཕེལ་འགྲིབ་མེད།། དེ་བཞིན་མཚན་མའི་སྤྱོད་པ་མེད།། གསང
318a2 བའི་དོན་ལ་མཐར་ཐུག་མེད།། གཟུང་འཛིན་ཡུལ་ལས་ཡང་དག་ཐར།། ཐར་པ་ཉིད་ལ་བཅོས་སུ་མེད།། རྟོག་པའི་རྣམ་པ་ཡུལ་ལས་འདས།། གཟུང་འཛིན་ཞེན་པའི་མཐའ་ལས་འདས།། རྣམ་རྟོག་འཛིན་པའི་ཡུལ
318a3 ལས་ཐར།། ཞེ་འདོད་ཕྲ་མོའི་བློ་དང་བྲལ།། མཚན་མའི་མིང་གི་མཐའ་ལས་འདས།། ཡེ་ཤེས་མཁའ་ལ་ཀུན་རོལ་ཀྱང་།། རྣམ་དག་ལམ་ལ་ཐུག་པ་མེད།། རིག་པའི་རྒྱལ་པོ་ཀུན་སྤྱོད་ཀྱང་།། མཉམ་ཉིད་ཡེ་ཤེས
318a4 མཐོང་བ་མེད།། མཐོང་བའི་ལམ་ལ་རྟོག་པ་མེད།། གོམས་པའི་ལམ་ལ་མཐར་ཕྱིན་ནས།། རྒྱུ་ཡི་ལམ་ལ་ཐིག་ལེ་གནས།། ཞེན་པའི་མཐའ་ལས་རྣམ་པར་གྲོལ།། གཟའ་གཏད་ཆོས་ཉིད་རྣམ་པར་སངས།། ཚིག
318a5 དང་ཡེ་ཤེས་ཡུལ་ལ་ཤར།། འཆར་བྱ་འཆར་བྱེད་བློ་ལས་གྲོལ།། རྣམ་རྟོག་འཁོར་བའི་གཟུང་འཛིན་སྟོངས།། དག་པའི་ཡེ་ཤེས་རང་སྣང་ལ།། བསྐྱེད་པའི་རྒྱུ་དང་མཚོན་པའི་ཚིག། མིང་གི་ཐ་སྙད་ཆོས་དང
318a6 བྲལ།། ཡུལ་དང་མངོན་རྟོགས་ཆོས་ལས་འདས།། གསང་སྔགས་ཡང་བཅུད་དོན་རྙེད་ཅིང་།། མཚན་མར་འཛིན་པའི་འཁོར་བ་སངས།། ཡེ་ཤེས་སྐུ་ཉིད་དོན་ལ་རྒྱས།། སངས་རྒྱས་ཞེས་ཀྱང་དེ་ལ་བྱ།། བྱང་ཆུབ
iiif viewer powered by OpenSeadragon
