| e-texts navigator |
| Wylie |
317b1 འཛིན་པའི་ཡུལ་ལས་གྲོལ།། མཚན་མ་ཡེ་ཤེས་རྒྱན་ཉིད་མཐོང་།། ལྟོས་པ་ལམ་གྱི་ཆོས་ལས་གྲོལ།། དེ་ཡང་རིག་པའི་དོན་ཉིད་རྟོགས།། རྟོགས་པའི་ཡེ་ཤེས་དོན་དང་མཇལ།། མཐོང་བ་ཉིད་ལས་དཔེ་གཞན
317b2 མེད།། དཔེ་མེད་ཡེ་ཤེས་རང་ཉིད་སྣང་།། གང་གིས་མ་གོས་ཕྱོགས་དང་བྲལ།། འདས་དང་མ་འདས་ཚིག་གི་ལམ།། ལམ་ལ་ཆགས་ཤིང་བཅོས་སུ་མེད།། ཆགས་པ་མེད་པའི་ཡེ་ཤེས་ཉིད།། ཆགས་དང་མ་ཆགས
317b3 མཐའ་ལས་འདས།། ཆགས་དང་མ་ཆགས་ཡུལ་ལ་སྣང་།། འདས་དང་མ་འདས་དུས་གསུམ་བཞུགས།། བཞུགས་དང་མ་བཞུགས་མཐའ་ལས་རྒྱལ།། འདས་དང་མ་འདས་ཆགས་པར་སྣང་།། མ་འོངས་ཚིག་གི་ཡུལ
317b4 ལས་འདས།། ཡིན་དང་མིན་པའི་མཐའ་གཉིས་སྤང་།། གསང་སྔགས་ཀུན་གྱིས་ཚད་མར་གསུངས།། གང་ལ་བདེ་བ་ཤུགས་ཀྱི་འགྲུབ།། དེ་བཞིན་བསྒོམ་པའི་དོན་རྟོགས་ཉིད།། ཡེ་ཤེས་མཁའ་ལ་རྣམ་པར
317b5 རོལ།། འབྱུང་བའི་ཆོས་ཉིད་རྣམ་པར་དག། ཡུལ་ཉིད་སྟོང་པའི་མཐའ་ལས་གྲོལ།། རྟོགས་དང་མ་རྟོགས་ཚིག་གི་ལམ།། ཡང་དག་བདེ་བའི་ཉམས་སྤངས་ནས།། ཡེ་ཤེས་དོན་ལ་ལྷང་ངེའོ།། སངས་རྒྱས་ཀུན་གྱི
317b6 མཛད་པ་ནི།། ཡུལ་དང་སེམས་ལ་མི་གནས་པའོ།། ཡང་དག་སྟོང་ཉིད་མཁའ་ལ་རོལ།། སྤྱོད་པ་མཐར་ཕྱིན་དོན་ལ་སྤྱོད།། རྣམ་དག་སྐུ་ལ་ངོས་གཟུང་མེད།། ཡེ་ཤེས་སྒྲ་ལུས་མཚུངས་པ་མེད།། ཡེ་ཤེས་ལམ་ལ་རྒྱ
iiif viewer powered by OpenSeadragon
