| e-texts navigator |
| Wylie |
317a1 ན།། རླུང་གི་དཀྱིལ་འཁོར་ཉིད་ལ་ལྟོས།། ང་ཡི་ཡོན་ཏན་ལྷ་འདོད་ན།། ཀླུ་རྒྱལ་དགའ་བོའི་གཙུག་ལ་ལྟོས།། ང་ཡི་ཞིང་ཁམས་ལྷ་འདོད་ན། གཟུགས་སྐུ་རྣམ་གཉིས་དགོངས་པ་ལྟོས།། ང་ཡི་བཞུགས
317a2 ཚུལ་ལྷ་འདོད་ན།། གཞོན་ནུ་བུམ་པ་ཉིད་ལ་ལྟོས།། ང་ཡི་རྩལ་ཉིད་ལྷ་འདོད་ན།། གཞོན་ནུ་དཔའ་བོའི་སྟོབས་ལྡན་ལྟོས།། ང་ཡི་དབུ་རྒྱན་ལྷ་འདོད་ན།། མར་མེའི་དཀྱིལ་འཁོར་དྲངས་པ་ལྟོས།། ང་ཡི་སྐུ་ལ་བལྟ་འང
317a3 ད་ན།། མ་བསྐྱོད་ནམ་མཁའི་མཐོངས་སུ་ལྟོས།། ང་ཡི་ཡེ་ཤེས་རོལ་པ་ལས།། ཐམས་ཅད་འབྱུང་ཞིང་ཐམས་ཅད་འཕྲོ།། ང་ཡི་དབྱིངས་ལ་ལྟ་འདོད་ན།། ནམ་མཁའ་སྟོང་པའི་ཡུལ་ལ་ལྟོས།། ང་ཡི་ཐུགས་སྣང་བལྟ
317a4 འདོད་ན།། ཁ་དོག་ལྔ་ཡི་འོད་ལ་ལྟོས།། ང་ཡི་ཕྲིན་ལས་བལྟ་འདོད་ན།། བརྗོད་དུ་མེད་པའི་ངང་ལ་ལྟོས།། ང་ཡི་ཐིག་ལེ་ལྟ་འདོད་ན།། མཁར་གཞོང་ནང་གི་ཆུ་ལ་ལྟོས།། ང་ཡི་ཟང་ཐལ་ལྟ་འདོད་ན།། རྡུལ་ཚོན་མེ
317a5 ལོང་ཉིད་ལ་ལྟོས།། དེ་བཞིན་ང་ཡི་ཆོ་འཕྲུལ་རྣམས།། ཟད་མེད་འཕེལ་བ་མེད་པའོ།། ཨེ་མ་ཧོ།། རྣམ་དག་ཆེན་པོའི་དཀྱིལ་འཁོར་ལ།། རྒྱུ་རྐྱེན་གཉིས་ཀྱི་ཆོས་དང་བྲལ།། གསལ་ལ་རང་བྱུང་ཡེ་ཤེས་དོན
317a6 ལ་སྤྱོད།། ཡིད་དྲུག་ཡུལ་དང་རྐྱེན་རྣམས་ཀུན།། གང་དག་འཛིན་པ་ལྟོས་པར་འགྱུར།། ཕྱོགས་འཛིན་མེད་ན་བདེ་བ་སྟེ།། ངར་འཛིན་ཡུལ་ལས་རྣམ་པར་ཐར།། བདག་འཛིན་ཆོས་ཀྱིས་རྣམ་པར་སྟོང་།། རྟག་པར
iiif viewer powered by OpenSeadragon
