| e-texts navigator |
| Wylie |
316b1 བསལ་ཡིད་ཀྱིས་ཉོན།། བདེ་ཆེན་རིགས་ལ་གནས་པ་རྣམས།། ཡང་དག་རྣལ་འབྱོར་དོན་ཚོལ་ན།། ང་ཡི་བསྟན་པ་འདི་ལ་ཞུགས།། ལྷ་རྣམས་དཀྱིལ་འཁོར་ཐམས་ཅད་ཀྱང་།། ང་ཡི་རྒྱུད་རྒྱལ་འདི
316b2 ཡིས་འགྲུབ།། རིགས་གསལ་དཀྱིལ་འཁོར་དོན་ཉིད་རྣམས།། རང་ལས་བྱུང་བའི་དཀྱིལ་འཁོར་ཉིད།། ཡང་དག་རྫོགས་ཕྱིར་ང་ཡིས་བཤད།། གསང་སྔགས་ལམ་གྱི་འཇུག་སྒོ་རྣམས།། དོན་རྣམས་མཚོན་ཕྱིར་ང
316b3 ཡིས་བཤད།། རིག་པའི་ཡེ་ཤེས་ཐུག་མེད་རྣམས།། ང་ཡི་དཀྱིལ་འཁོར་ཉིད་ཡིན་པས།། ཁྱོད་ཀྱིས་གོ་བ་ཤིན་ཏུ་དཀའ།། དེ་ཕྱིར་ང་ཡི་ཡེ་ཤེས་ལྟ་བར་གྱིས།། ཕྱག་རྒྱའི་ལམ་ཉིད་སྦྱང་བའི་ཕྱིར།། རྡོ་རྗེའི་དཀྱིལ
316b4 འཁོར་ཉིད་དུ་བཤད།། མཁའ་འགྲོའི་སྡེ་ཚོགས་འཁོར་བཅས་རྣམས།། ང་ཡི་དཀྱིལ་འཁོར་བལྟ་འདོད་ན།། མན་ཤེལ་དཀྱིལ་འཁོར་ཉིད་ལ་ལྟོས།། ང་ཡི་ངོ་བོ་ལྟ་འདོད་ན།། དབྱིངས་ཀྱི་སྒྲོན་མ་དག་ལ་ལྟོས།། ང་ཡི
316b5 ཆོ་འཕྲུལ་བལྟ་འདོད་ན།། བར་སྣང་ཁམས་ཀྱི་འཇའ་ཚོན་ལྟོས།། ང་ཡི་རིག་པ་ཉིད་ལ་ལྟ་འདོད་ན།། ལུ་གུ་རྒྱུད་ཀྱི་སྐུ་ལ་ལྟོས།། ང་ཡི་ཡེ་ཤེས་ལྷ་འདོད་ན།། མེ་ལོང་དཀྱིལ་འཁོར་དག་ལ་ལྟོས།། ང་ཡི་ཐུགས་རྗེ
316b6 བལྟ་འདོད་ན།། ཉི་མའི་ཟེར་དང་སྐར་མདའ་ལྟོས།། ང་ཡི་རོལ་པ་བལྟ་འདོད་ན།། སྣ་ཚོགས་རྩི་ཤིང་ནགས་ཚལ་ལྟོས།། ང་ཡི་དགོངས་པ་བལྟ་འདོད་ན།། རྒྱ་མཚོ་ཆེན་པོའི་གཏིང་ལ་ལྟོས།། ང་ཡི་སྤྲུལ་པ་ལྟ་འདོད
iiif viewer powered by OpenSeadragon
