| e-texts navigator |
| Wylie |
316a1 ཕུད་ཀྱི་རྒྱལ་པོ་ཞེས་བྱ་བ་དེས་བཅོམ་ལྡན་འདས་ཉིད་ལ་བསྐོར་བ་ལན་གསུམ་བྱས་ནས།། དེ་བཞིན་གཤེགས་པ་དེ་ཡང་མི་སྣང་བའི་ཆོས་ཉིད་ཀྱི་ཕོ་བྲང་རྣམ་པར་དག་པར་གཤེགས་སོ།། དེ་ནས
316a2 འཁོར་ཐམས་ཅད་ཡེ་ཤེས་ཆེན་པོའི་སྣང་བ་ལ་གྲལ་གཅིག་ཏུ་འཁོད་དོ།། ཞེས་རིག་པ་རང་ཤར་ཆེན་པོའི་རྒྱུད་ལས། དེ་བཞིན་གཤེགས་པ་རང་བྱུང་གི་ལེའུ་སྟེ་གྱ་གཅིག་པའོ།། །། དེ་ནས་ཡང་དེ་བཞིན
316a3 གཤེགས་པ་དགྲ་བཅོམ་པ་ཆོས་ཐམས་ཅད་ཀྱི་བཟོད་པ་ཐོབ་ལ་ཡེ་ཤེས་མངོན་དུ་གྱུར་པའི་སངས་རྒྱས་བཅོམ་ལྡན་འདས་གཟི་བརྗིད་རྣམ་པར་བཀོད་པ་ཞེས་བྱ་བ་དེས།། འཁོར་གྱི་མཁའ་འགྲོ་མ་སྡེ་ཆེན་པོ་བཅོ
316a4 བརྒྱད་ལ་འདི་སྐད་ཅེས་བཀའ་སྩལ་ཏོ།། ཀྱེ་ཀྱེ་ཡེ་ཤེས་ཚོགས་དག་ཉོན།། ང་ཡི་རང་རང་དོན་ཉིད་བསྟན།། ལེགས་པར་ཡིད་ལ་ལེན་པར་གྱིས།། ཡང་དག་རྣལ་འབྱོར་ཆེན་པོའི་དོན།། མཁའ་འགྲོ་ཤུགས་འགྲོ
316a5 སྟོབས་ཀྱིས་འགྲོ།། རི་རབ་གནས་དང་རྒྱ་མཚོའི་གནས།། དེ་བཞིན་ནམ་མཁའ་བར་སྣང་གནས།། ས་ཆུ་མེ་ལ་གནས་པ་དང་།། དེ་བཞིན་རླུང་དང་ཤིང་ལ་གནས་པ་དང་།། ཡེ་ཤེས་གནས་དང་དབྱིངས་ལ
316a6 གནས།། ཡེ་ཤེས་དང་ནི་ཆོས་ལས་གྲུབ།། ལས་དང་ཤ་ཟའི་འཁོར་དང་བདེ་ཆེན་གནས།། སྡེ་ཚན་བཅོ་བརྒྱད་འཁོར་བཅས་མཁའ་འགྲོ་མ།། རྣལ་འབྱོར་ཆེན་པོའི་དོན་ཉིད་ངས་བཤད་ཀྱིས།། གཞན་དུ་མ་གྱུར་རྟོག
iiif viewer powered by OpenSeadragon
