| e-texts navigator |
| Wylie |
315b1 ཡིན་རང་ལ་ལྷུན་གྱིས་གྲུབ།། འདས་པ་བརྗོད་དུ་མེད་ལ་མ་འོངས་ཚིག་ལས་འདས།། ད་ལྟར་ཡོད་ལ་བརྟགས་པར་ཤིན་ཏུ་དཀའ།། ཡོད་དང་མེད་པའི་ལམ་ལ་ཟང་ཐལ་ཞིང་།། ཡེ་ཤེས་སྤྱོད་ཕྱིར་རང་སྣང
315b2 ཉིད།། རྟོགས་པས་མི་འགྲུབ་མཐོང་བ་དགོས།། མཐོང་བས་ཡེ་ཤེས་དོན་དང་ཕྲད།། ལམ་དང་ཡུལ་དང་ཚིག་ལས་འདས།། སྟོང་དང་ཡུལ་དང་མངོན་པར་སྣང་།། གཞན་དང་འབྱེད་པའི་ཆོས་ལས་གྲོལ།། སེམས
315b3 སོགས་དངོས་པོའི་ཆོས་ལས་གྲོལ།། འབྱུང་བའི་ཡུལ་ཉིད་ཀུན་སྣང་ཞིང་།། བསྟན་པའི་དོན་ཉིད་རང་གསལ་བ།། ཡེ་ཤེས་སྐུ་ལ་འཕེལ་འགྲིབ་མེད།། ཡང་དག་བདེན་བདེ་བ་ཡང་བྱུང་བའི་དོན་མཐོང་བས།། བྱས
315b4 པའི་རྒྱུ་ནི་རང་སར་གྲོལ།། སངས་རྒྱས་པས་ཀྱང་རང་ཉིད་ཆེ།། སངས་རྒྱས་ཀུན་གྱི་རྗེ་བཙན་པ།། རང་གི་རིག་པར་ཤེས་པར་བྱ།། དེ་ལ་སོགས་པའི་དགོངས་པ་རྣམས།། མ་བསྐྱེད་རྫོགས་པར་ཤེས་པར་བྱ།། དེ
315b5 ནས་རྡོ་རྗེ་སེམས་དཔའ་ཉིད་ཏིང་ངེ་འཛིན་ལས་བཞེངས་ནས་རིགས་ཀྱི་སངས་རྒྱས་དམ་པ་དེ་ལ་ལེགས་སོ་ཞེས་བྱ་བ་བྱིན་ནས།། འཁོར་རྣམས་ཀྱིས་དེ་བཞིན་དུ་ཁོང་དུ་ཆུད་དོ།། འཇིག་རྟེན་གྱི་ཁམས་ཐམས་ཅད
315b6 ཀྱང་རྣམ་པ་དྲུག་ཏུ་གཡོས་སོ།། དེ་ནས་བཅོམ་ལྡན་འདས་གཞོན་ནུ་དཔའ་བོ་སྟོབས་ལྡན་གྱིས།། འོད་ཟེར་ཀུན་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་དེ་བཞིན་གཤེགས་པ་སྟོང་སྤྱི
iiif viewer powered by OpenSeadragon
