| e-texts navigator |
| Wylie |
315a1 ལས།། ཡེ་ཤེས་དཀྱིལ་འཁོར་ཐམས་ཅད་རྫོགས།། བྱ་བ་ཉིད་ལ་ལྟོས་པ་མེད།། ལྟོས་ན་ཡང་དག་བདེ་བ་མིན།། ཐམས་ཅད་རང་བྱུང་རིག་པའོ།། དེ་ནས་དེ་བཞིན་གཤེགས་པ་འོད་ཟེར་ཀུན་ནས
315a2 མཐའ་ཡས་པས། འདི་སྐད་ཅེས་སྨྲས་སོ།། ཀྱེ་ཧོ་ཡེ་ཤེས་གསང་བ་ཆེ།། ཡང་དག་དགོངས་པ་འདི་རིག་གམ།། འོན་ཏེ་གཞན་ལ་ལྟོས་འགྱུར་རམ།། ཕྱི་མ་ཡིན་ནམ་བདེ་བ་ཉིད་དུ་འགྱུར།། ལམ་ལྟོས་འགྱུར་རམ
315a3 འོན་ཏེ་རྫོགས།། ཡང་དག་ཡེ་ཤེས་ཡོད་འགྱུར་རམ།། རྟོག་པས་འགྲུབ་བམ་མཐོང་བས་གྲུབ།། དྲིས་ལན་རྒྱས་པར་ལན་གདབ་ཞུ།། ཞེས་ཞུས་སོ།། དེ་ནས་དེ་བཞིན་གཤེགས་པ་སྟོང་སྤྱི་ཕུད་ཀྱི་རྒྱལ་པོས་འདི་སྐད
315a4 ཅེས་སྨྲས་སོ།། ཀྱེ་མ་ལན་གདབ་ལེགས་པར་ཉོན།། ལན་དང་དྲི་བ་དེ་དག་ནི།། རང་བཞིན་ཉིད་ཀྱིས་རྫོགས་པར་བྱ།། ཡང་དག་ཉིད་ལ་ལན་མེད་ཀྱང་།། དེ་ལ་ལན་གསུང་འདི་བཞིན་ནོ།། ཡང་དག་དགོངས་པ
315a5 འདི་ཡིས་བཙལ།། འདི་ཡང་ཆོས་ཀྱི་གཏམ་དུ་ཟུང་།། འདི་ཡང་མ་ཤེས་རང་ལས་བྱུང་།། བྱུང་ཡང་ཡེ་ཤེས་སྤྱན་དང་ལྡན།། ཚིག་ལ་ལྡན་དང་ཡང་དག་ལྡན།། དོན་ལ་ལྡན་པ་ག་ལ་ཡོད།། ཤེས་རབ་རྣོ་དང་བརྟུལ་བ
315a6 མེད།། ཕྱི་མ་མ་ཡིན་ཡང་དག་ཉིད།། བྱས་པ་མ་ཡིན་རང་བྱུང་རྡོ་རྗེའི་སྐུ་ཉིད་རྫོགས།། སྟོང་པས་རབ་བརྒྱན་འདུས་བྱས་ཆོས་ལས་གྲོལ།། མཛེས་པའི་འོད་ལྔ་གསལ་བ་ཆོས་སྐུར་གདོད་ནས་དག། བཙལ་བསམ
iiif viewer powered by OpenSeadragon
