| e-texts navigator |
| Wylie |
314b1 ཅད་གསལ།། ལྷུན་གྲུབ་ཡུལ་ལ་མི་གནས་མཚན་མའི་ཆོས་ལས་གྲོལ།། ཐབས་ཆེན་ཀུན་གྱི་སྤྱོད་ཡུལ་སྙིང་པོར་ཤེས།། སྣང་སྲིད་མ་བཅོས་ཆོས་སྐུའི་ངང་ལ་རྫོགས་པ་བཞིན།། ནམ་མཁའི་ངང་ནས་སྣ་ཚོགས་འབྱུང
314b2 བ་ལྟར།། ཡང་དག་སེམས་དང་གཉིས་མེད་འདྲེས་ཤིང་མཚུངས།། བདག་ཉིད་རིག་པ་རང་ཤར་ལས།། སངས་རྒྱས་རྣམས་ཀྱིས་བཅོས་སུ་མེད།། བཅོས་ན་གོལ་སྒྲིབ་ལྷུང་བར་འགྱུར།། དེ་ཡང་གསང་བའི་ཡུལ་མེད
314b3 བཞིན།། སངས་རྒྱས་ཉིད་ལ་དངོས་སྣང་མེད།། སེམས་ཅན་ཡུལ་ལས་གཟུང་འཛིན་བྱུང་།། སངས་རྒྱས་ལུས་ལ་འོད་ལྔ་གནས།། སེམས་ཅན་མིག་ནས་འོད་ལྔ་འབྱུང་།། སེམས་ཅན་དང་ནི་སངས་རྒྱས
314b4 གཉིས།། སུས་ཀྱང་ཤེས་ཤིང་རྟོག་པ་མེད།། བཀའ་རྟགས་སྦས་པའི་རྒྱ་དང་ལྡན།། གསང་བའི་ཆོས་ལ་དོན་བཞི་བསྟན།། རང་བཞིན་དང་ནི་སྦས་པ་དང་།། གབ་པ་དང་ནི་ཁོ་ན་ཉིད།། རྣམ་པ་བཞི་རུ་རྒྱལ་བས
314b5 གསུངས།། ཡང་དག་མཚན་མའི་ཡུལ་དང་བྲལ།། འབད་རྩོལ་སེམས་ཀྱི་དྲི་མ་མེད།། ཡིན་དང་མིན་པའི་མཐའ་གཉིས་བསལ།། ལམ་དང་ས་ལ་མི་རེ་ཞིང་།། སྟོང་པའི་ལམ་ལ་ཡིད་ཀྱིས་རྒྱུག། བརྗོད་པའི་ཐ་སྙད
314b6 མིང་དང་བྲལ།། གསང་སྔགས་བྱ་བའི་ཡུལ་ལས་འདས།། གཟུང་འཛིན་བྲལ་ཏེ་མཁའ་ལ་གསལ།། ལྟོས་པ་མ་གྲུབ་དབྱིངས་ལ་རྫོགས།། མཚན་མའི་ཆོས་བཞི་ངང་གིས་སངས།། བདེ་བ་ཐུགས་ཀྱི་སྤྲུལ་པ
iiif viewer powered by OpenSeadragon
