| e-texts navigator |
| Wylie |
313b1 བསྐུལ།། འོད་ཟེར་གཅིག་གིས་ངན་སོང་ཡུལ་ལས་ཐར།། ཐུགས་རྗེ་གཅིག་གིས་ངན་འགྲོ་ཕྱག་མས་འདེབས།། ཞགས་པ་གཅིག་གིས་རིགས་དྲུག་གནས་ནས་འདྲེན།། དེ་བཞིན་ཆོས་རྣམས་ཐིག་ལེ་ཉག་གཅིག
313b2 གོ། ཨེ་མ་ཧོ།། ཤེས་རབ་མེ་ཡིས་རྣམ་རྟོག་ཐམས་ཅད་བསྲེག། རིག་པའི་རླུང་གིས་འཛིན་པ་ཐམས་ཅད་གཏོར།། ཡེ་ཤེས་ཆུ་ཡིས་སྣང་བ་ཐམས་ཅད་སྡུད།། སྐུ་ཡི་ས་ལས་སྣ་ཚོགས་རོལ་པ་འབྱུང་།། དག་པའི
313b3 མཚོན་གྱིས་མ་རིག་གཏིང་ནས་ཕུག། སྟོང་པའི་ཡུལ་གྱིས་སྒྲོན་མ་ཐམས་ཅད་སྡུད།། གསལ་བའི་འོད་ལ་དགོངས་པ་ཐམས་ཅད་ཞུགས།། རྣམ་རྟོག་འདམ་ལ་ཡེ་ཤེས་མེ་ཏོག་སྐྱེས།། རྣམ་དག་མཁའ་ལ་གསལ་བའི
313b4 ཉི་མ་ཤར།། ཆོས་ཉིད་དོན་ལ་འཁྲུལ་པ་ཀ་ནས་མེད།། ཡེ་ཤེས་དབྱིངས་ལ་རྒྱ་ཆད་ཕྱོགས་ལྷུང་མེད།། མཛེས་པའི་སྐུ་ལ་རྒྱན་དང་ཆ་ལུགས་ལྡན།། འོད་ཀྱི་ཟེར་ལ་རིག་པའི་རྒྱལ་པོ་ཞོན།། དེ་ལས་ལམ་བྱུང་དེ
313b5 ཡི་ངང་དུ་ཐིམ།། དེ་ནི་ཡེ་ཤེས་ཀུན་གསལ་ས་ཆེན་ཡིན།། འོད་ཀྱི་སྣང་བ་མ་འདྲེས་ཀུན་ལ་མཉམ་པར་གནས།། ཐེག་ཆེན་རྫོགས་པའི་ངང་དུ་ཐམས་ཅད་འདུས།། གསང་བའི་མཁའ་ལ་སངས་རྒྱས་མཛད་སྤྱོད
313b6 འདུས།། སྣང་བ་འདི་ལ་མ་ཞེན་སྤྱོད་པའི་མཆོག་ཏུ་བཤད།། ཐེག་ཆེན་ནམ་མཁའི་ཀློང་ནས་ཉི་མ་དག་པ་ཤར།། ཉི་མའི་འོད་ཟེར་ཀུན་ལ་བྱམས་ཐུགས་ལྡན།། གསང་བའི་ཡུམ་དང་ཡབ་ལས་ཐིག་ལེ
iiif viewer powered by OpenSeadragon
