| e-texts navigator |
| Wylie |
312b1 གཤེགས་པ་རྣམས།། རང་གི་སྙིང་པོར་རྫོགས་ཤིང་ཡང་དག་ཉིད་དུ་འཕྲོ།། སེམས་དང་ཆོས་ལ་སངས་རྒྱས་ག་ལ་ཡོད།། དཔེར་ན་ནོར་བུ་རིན་ཆེན་ལྟར།། ཟད་པ་མེད་པའི་གཏེར་ཆེན་ཡུལ་ལ་སྣང་།། སངས་རྒྱས
312b2 ལམ་ལ་བགྲོད་དུ་མེད་ཅིང་སྦྱང་དུ་མེད་པར་གསུངས།། ང་མེད་ང་ལ་ང་ཡི་ཆོ་འཕྲུལ་བྱུང་།། ང་མེད་ང་ཡི་འོད་ལ་ཐམས་ཅད་བཞུགས་པ་ཡིན།། ང་ཡི་རིག་པ་མེད་ལ་སྣ་ཚོགས་ཅིར་ཡང་སྣང་།། ང་ཡི་ཐུགས་ཀྱི་ཉི་མ
312b3 ལྔར་སྣང་ཞིང་།། རྒྱལ་བའི་ཞིང་ཁམས་རབ་འབྱམས་མ་ལུས་ཀུན།། ང་ཡི་ཉི་མ་རེ་རེའི་འོད་ལ་ཐམས་ཅད་བཞུགས།། རྒྱལ་བ་ཐམས་ཅད་ང་ཡི་འོད་ལ་བདེ་བ་ཡིན།། ང་མེད་པ་ཡི་རོལ་པ་ཅིར་ཡང་སྤྲུལ།། སྤྲུལ་པ
312b4 ཡེ་ཤེས་བྱེ་བ་ཐུགས་ལ་རོལ།། འབྱུང་བ་རྒྱུ་ཡི་རོལ་པ་སྣ་ཚོགས་སྟོན།། མཁའ་མཉམ་བུམ་པའི་སྐུ་ལྟར་ཕྱི་ཡི་ཆོས་དང་བྲལ།། མཚན་མའི་ཡེ་ཤེས་འཛིན་པ་རང་ག་མ།། དག་པའི་ཡེ་ཤེས་དངོས་པོའི་མཐའ་དང
312b5 བྲལ།། ཡུལ་དང་ཤེས་པའི་སྟོང་པའི་ཡུལ་ལས་འདས།། དཔེར་ན་སེང་གེ་རྩལ་རྫོགས་གར་ཡང་ཐོགས་མེད་ལྟར།། རིག་པའི་རྩལ་རྫོགས་གར་ཡང་ཐོགས་པ་མེད།། ཐོགས་པ་ཡོད་ན་རིག་པའི་རྩལ་མ
312b6 འབྱོངས།། རྡོ་རྗེ་སྙིང་པོའི་སྐུ་ལ་འོད་ཟེར་སྟོང་དང་ལྡན།། འོད་ཟེར་སྟོང་ལས་གཟུགས་སྐུ་རེ་རེ་སྣང་།། དེས་ན་ཡང་དག་སྟོན་པའི་བསྟན་པ་འཛིན་པར་འགྱུར།། སྲ་ཞིང་བརྟན་པའི་ཡེ་ཤེས་ཟུང་འཇུག་ཀུན་ལ་ཆོ
iiif viewer powered by OpenSeadragon
