| e-texts navigator |
| Wylie |
312a1 ནས།། མི་སྣང་བའི་མཁའ་རྣམ་པར་དག་པ་ལ་གཤེགས་སོ།། འཁོར་རྣམས་ཀྱང་འདུན་པའི་ཏིང་ངེ་འཛིན་ལ་སྙོམས་པར་ཞུགས་སོ།། ཞེས་རིག་པ་རང་ཤར་ཆེན་པོའི་རྒྱུད་ལས། འཇམ་དཔལ་སྨྲ་བའི
312a2 སེང་གེའི་ལེའུ་སྟེ་བརྒྱད་ཅུ་པའོ།། །། དེ་ནས་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྟོང་སྤྱི་ཕུད་ཀྱི་རྒྱལ་པོ་ཞེས་བྱ་བ་དེས་འདི་སྐད་ཅེས། འཁོར་གྱི་ལྷ་དང་། ལྷ
312a3 མ་ཡིན་དང་། མཁའ་འགྲོ་མ་དང་། གནོད་སྦྱིན་གྱི་རིགས་དང་། བྱང་ཆུབ་སེམས་དཔའ་དཔག་ཏུ་མེད་པ་དང་།། དེ་དག་ལ་སོགས་པའི་འཁོར་གྲངས་མེད་པ་རྣམས་ལ་བཀའ་སྩལ་པ།། ཀྱེ་འདུས་པའི་འཁོར་རྣམས
312a4 ཉོན་ཅིག། ང་ཡིས་དོན་ཆེན་བསྟན་པར་བྱ།། འདུས་པའི་འཁོར་ཚོགས་རྣམས་ཀྱིས་གུས་པར་ཉོན།། དང་པོ་སངས་རྒྱས་དགོངས་པ་དེ།། ཁྱུང་ཆེན་མཁའ་ལ་ལྡིང་བ་བཞིན།། སྤྲོ་བསྡུ་མེད་པར་ནམ་སྤྱོད་པར
312a5 བྱེད།། ཐ་སྙད་མིང་ལ་མི་གནས་ཏེ།། བགྲོད་མེད་རང་གི་ས་ལ་ཕྱིན།། དགོངས་པ་ཉིད་ལ་བསྒོམ་དུ་ག་ལ་ཡོད།། ནམ་མཁའ་གུད་བཅད་མ་ཐུབ་ཟང་ཐལ་ལྟར།། དེ་བཞིན་བག་ཆགས་ཕུང་པོས་སྐུ་ལ་སྒྲིབ།། ནམ
312a6 མཁའ་གང་བའི་འོད་ལ་ཐུག་པ་མེད།། ཡང་དག་ལམ་ལ་ཤེས་རབ་སྐུ་ལྔ་ཤར། ཡེ་ཤེས་སྐུ་ལྔ་ཀུན་གྱི་སྙིང་པོ་ཡིན་པར་གསུངས།། དོན་དམ་ཆོས་སྐུ་བཟུང་བའི་ཡུལ་ལས་འདས།། འདས་དང་མ་བྱོན་དེ་བཞིན
iiif viewer powered by OpenSeadragon
