| e-texts navigator |
| Wylie |
311b1 སྔགས་ཀུན་གྱི་ཡེ་ཤེས་ཉིད།། མ་ནོར་དགོངས་པ་ཚད་མ་རྣམས།། འཇམ་དཔལ་ངོ་བོའི་ངང་དུ་ཐམས་ཅད་འདུས།། དེ་ཕྱིར་ཡེ་ཤེས་སེམས་དཔར་གསུངས།། གང་དང་གང་དུ་འཇམ་དཔལ་རིགས།། ཡོད་པར་གྱུར
311b2 པ་ཐམས་ཅད་རྣམས།། ང་ལས་ཡང་དག་སྤྲོས་པའོ།། ང་ནི་བཅོམ་ལྡན་རྒྱལ་བ་ཉིད།། སྐུ་ལས་འོད་ཟེར་སྟོང་སྟོང་འཕྲོས།། གསུང་ལས་རོལ་བ་སྣ་ཚོགས་བྱུང་།། ཐུགས་ལས་དགོངས་པའི་དཀྱིལ་འཁོར་སྣང་།། དེ
311b3 བཞིན་འཇམ་དཔལ་ཉིད་ཀྱི་སྐུ།། སྣ་ཚོགས་ཅིར་ཡང་འཕྲོ་བའོ།། དེ་སྐད་ཅེས་བཀའ་སྩལ་པ་དང་།། འཁོར་རྣམས་རབ་ཏུ་ཡི་རང་ངོ་།། དེ་ནས་སྟོན་པ་བཅོམ་ལྡན་རྡོ་རྗེ་སེམས་དཔའ་ཉིད། ཏིང་ངེ་འཛིན་ལས
311b4 བཞེངས་ནས། ལེགས་སོ་ཞེས་བྱ་བ་གནང་བས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་འོད་ཟེར་གྱི་ཕུང་པོས་ཀུན་ནས་གང་བར་གྱུར་ཏོ།། དེ་ནས་རྡོ་རྗེ་འཆང་ཆེན་པོ་དེས་འདི་སྐད
311b5 ཅེས།། རྣམ་པར་གྲོལ་བའི་སྐྱེས་བུ་འཇམ་དཔལ་སྨྲ་བའི་སེང་གེ་ལ་བཀའ་སྩལ་པ། ཀྱེ་སྨྲ་བའི་སེང་གེ་བསྟན་པ་དེ་ལེགས་སོ།། དེ་ནི་སངས་རྒྱས་ཀྱི་དགོངས་པ་དངོས་སུ་བསྟན་པ་ཡིན་ནོ།། རིགས་ཀྱི་བུ་ཁྱོད་དེའི
311b6 དོན་ལ་མ་ཡེངས་པར་གྱིས་ཤིག། ཅེས་བརྗོད་ནས་ཡང་ཏིང་ངེ་འཛིན་ལ་སྙོམས་པར་བཞུགས་སོ།། དེ་ནས་སྨྲ་བའི་སེང་གེ་སྐྱེས་བུ་དམ་པ་དེས། བཅོམ་ལྡན་རྡོ་རྗེ་འཆང་ཆེན་པོ་དེ་ལ་བསྐོར་བ་ལན་གསུམ་བྱས
iiif viewer powered by OpenSeadragon
