| e-texts navigator |
| Wylie |
310b1 འཇམ་དཔལ་ཉིད་ཀྱི་མིང་།། གཏིང་དཔག་དཀའ་འོ་འཇམ་དཔལ་ཆོས་ཀྱི་མཆོག། འཇམ་དཔལ་ངང་ལས་ཡང་དག་བདེ་བ་སྐྱེས།། འཇམ་དཔལ་ཉིད་ལ་ཟད་ཅིང་སྟོང་པ་མེད།། སྟོང་པའི་ངང་ལས་འཇམ་དཔལ་ཡེ
310b2 ཤེས་སྐུ།། སོ་སོའི་དོན་ལ་མི་གནས་འཇམ་དཔལ་དང་ལས་ཐམས་ཅད་འདུས།། ཆོས་ཉིད་དཔལ་ལས་ཡང་དག་རྟོགས་པ་བསྐྱེད།། རྡོ་རྗེ་སྐུ་ལ་འཇམ་དཔལ་ཡེ་ཤེས་གསལ།། སྣང་བ་མེད་པའི་འཇམ་དཔལ་ཡེ
310b3 ཤེས་ཉིད།། ཀུན་ལ་ཁྱབ་པས་དོན་མཛད་སྐུ་ཉིད་ཡངས།། འཇམ་དཔལ་ཤེས་རབ་མེ་ལོང་འོད་པོ་ཆེ།། དེ་ལས་འོད་བྱུང་ཐམས་ཅད་ངང་དུ་རྟོགས།། དེ་ནི་འཇམ་དཔལ་དཀྱིལ་འཁོར་ཆེན་པོར་བཤད།། འཇམ
310b4 དཔལ་སྐུ་ལ་ཐུག་པ་མེད།། འཇམ་དཔལ་ཡེ་ཤེས་མཁའ་ལ་གཤེགས།། ཡང་དག་སྐུ་ཡི་ཀློང་དུ་ཐིམ་པ་ཡིན།། འབྱུང་བ་ལྔ་ཡི་རབ་རིབ་ཀྱིས།། ཡེ་ཤེས་ལྔ་ཡི་རང་མདངས་བསྒྲིབས།། སྣ་ཚོགས་ཚིག་གི་ལོ་མ
310b5 ཡིས།། འཇམ་དཔལ་སྐུ་ཡི་དཀྱིལ་འཁོར་བསྒྲིབས།། སངས་རྒྱས་དང་ནི་སེམས་ཅན་ཡང་།། འཇམ་དཔལ་ང་ཡི་གསུང་ལས་འཕྲོས།། སྣ་ཚོགས་ཡུལ་དུ་སྣང་བ་ཡང་།། འཇམ་དཔལ་ང་ཡི་གསུང་ལས་སྤྲུལ།། ཡུལ
310b6 དྲུག་སྤྱོད་པའི་ཡིད་དྲུག་ཀྱང་།། འཇམ་དཔལ་ང་ཡི་ཐུགས་ལས་འཕྲོས།། དེ་བཞིན་རོལ་པ་སྣ་ཚོགས་ཀུན།། ང་ལས་སྤྲུལ་ཅིང་ང་ལས་བྱུང་།། ང་ནི་འཇམ་དཔལ་ཀུན་གྱི་དབྱིངས།། འཇམ་དཔལ་ཡེ་ཤེས་ཐུགས་ལ
iiif viewer powered by OpenSeadragon
