| e-texts navigator |
| Wylie |
309b1 བསྒྲིབས།། ཕྲ་བས་ཡེ་ཤེས་སྣང་བ་བསྒྲིབས།། ཕྲ་བའི་ཕྲ་བས་ཡེ་ཤེས་སྒྲོན་མར་བསྟན།། རགས་པའི་རགས་པས་གཟུགས་སྐུའི་ཞིང་ཁམས་བསྟན།། དྲི་མའི་དྲི་མས་མ་རིག་རྩ་བར་བསྟན།། སྣང་བའི་རྒྱལ་པོ་ཆེན
309b2 པོ་དེ་བཞིན་གནས།། སེམས་ཅན་བློ་ལ་གནས་པའི་དོན་ཉིད་མ་ཤེས་ན།། ཡེ་ཤེས་རང་སྣང་དགོངས་པ་དེ་མཐོང་ངམ།། དེ་ཡང་རྟོགས་པས་མི་གནས་མུན་ཁང་མར་མེ་བཞིན།། སྣང་བ་མ་འགགས་འཇམ་དཔལ་ཡེ
309b3 ཤེས་དོན།། འཇམ་དཔལ་ཡེ་ཤེས་དྲི་མའི་སྐྱོན་རྣམས་ཐམས་ཅད་བསལ།། དཔལ་གྱིས་སེམས་ལ་སོགས་པའི་འཆིང་བ་གྲོལ།། འཇམ་དཔལ་ཡེ་ཤེས་དོན་ལ་གང་གནས་པ།། དེ་ནི་མྱ་ངན་འདའ་བར་རྡོ་རྗེ་སེམས
309b4 དཔས་བཤད།། འཇམ་དཔལ་ཡེ་ཤེས་དགོངས་པའི་དོན་ཉིད་ཚིག་ལས་འདས།། ཚིག་དང་ཡི་གེ་མཚན་མའི་ཆོས་ལས་ཡང་དག་གྲོལ།། ཆོས་ལ་དབང་བསྒྱུར་ཡེ་ཤེས་མཆོག་ལ་གནས།། ཡེ་ཤེས་དོན་ལ་འཇམ
309b5 དཔལ་ཡེ་ཤེས་སྐུ།། ཚིག་མེད་སྟོང་པའི་ངང་དུ་འཇམ་དཔལ་ཡེ་ཤེས་སྟོར།། སྟོར་བ་ཉིད་ནས་བསྒྲུབས་ཤིང་བཙལ་དུ་མེད།། དེ་ཡང་སྣང་བ་རྒྱ་ཆད་འབྱུང་བཞིའི་མཁའ་ལ་སྤྱོད།། འཇམ་དཔལ་དོན་གྱི་སྙིང་པོ
309b6 ལས།། སེམས་ལ་སོགས་པའི་དྲི་མ་མེད།། སྣང་བ་བྱར་མེད་ཆོས་དང་བྲལ།། འཇམ་དཔལ་ཡེ་ཤེས་ཆེན་པོ་ཉིད།། གང་དང་མི་མཉམ་ཀུན་ལ་རོལ།། འཇམ་དཔལ་ཡེ་ཤེས་དགོངས་པ་ཉིད།། གང་གི་དོན་ལ་གུས
iiif viewer powered by OpenSeadragon
