| e-texts navigator |
| Wylie |
308b1 ཆེན་པོས་དོན་རིག་ནས།། ཆོས་སྐུ་སྐྱེ་མེད་འགྱུར་མེད་ལ།། ལོངས་སྐུ་ཤེས་རབ་རིག་པའི་སྐུ།། མཁྱེན་པའི་ཡེ་ཤེས་མཁའ་ལ་དབང་བསྒྱུར་ཞིང་།། སྦྲུལ་སྐུས་གདུལ་བྱའི་ཡུལ་ལ་དོན་བྱེད་ནུས།། དེ་གསུམ་ཕྱོགས
308b2 ལྷུང་མེད་པའི་ཤེས་རབ་ལ།། འཇམ་དཔལ་ཡང་དག་དགོངས་པ་གསལ།། དེ་ལ་ཉི་ཤར་འདི་ལྟར་ཀུན་ལ་ཤར།། དང་པོ་ཆོས་སྐུའི་རིག་པ་ཤར།། རིག་པ་ཡེ་ཤེས་འོད་དུ་གསལ།། དེ་ལས་གཏིང་དཔག་མེད་པའི
308b3 འོད།། ཕྱོགས་བཅུ་ནམ་མཁའི་ཁམས་གང་ཞིང་།། དེ་ཡི་གཟི་བརྗིད་འཇིག་རྟེན་ཁྱབ།། དེ་ལས་མཐོང་བའི་ཁྱད་པར་གྱིས།། གོམས་པའི་དོན་ལ་མ་ཡེངས་ན།། ཡེ་ཤེས་རིག་པ་སངས་གྱུར་ནས།། ཤིན་ཏུ་སད་པ
308b4 སད་པའི་བདག། ཀུན་ཤེས་ཆོས་དང་བྲལ་བའོ།། དེ་ནི་དགོངས་པའི་ཚད་དུ་བསྟན།། དེ་མིན་བློ་ཞན་སེམས་ཅན་རྣམས།། ཆོས་སྐུ་ཟང་ཐལ་ཡངས་པར་མ་ཤེས་པར།། རྫོགས་རིམ་སྐྱེ་བ་མེད་པ་ཁས་བླངས
308b5 ཀྱང་།། ཝ་སྦྲེལ་སེང་གེ་དག་ཏུ་བརྫུས་པ་བཞིན།། དངོས་མེད་ཟང་ཟལ་ཆོས་སྒྱུ་མ་རྟོགས་པར།། བློ་ཡི་ཞེན་འདོད་མཚན་བཅས་ལྷ་ལ་བལྟ།། དེ་ནི་འཇམ་དཔལ་དགོངས་པ་མིན་པ་རྡོ་རྗེ་སེམས་དཔས
308b6 གསུངས།། མཚན་མ་མེད་པའི་དགོངས་པ་ཉིད།། དཀྱིལ་འཁོར་ཉིད་ལ་བརྟེན་ཏུ་མེད།། ལྷ་ལ་བསྒོམ་དུ་མེད་པའི་ཕྱིར།། འཇམ་དཔལ་ཡང་དག་དགོངས་པ་ལ།། མཚོན་པའི་དཔེ་ཉིད་མན་ཤེལ་ཡིན།། ཡང་དག
iiif viewer powered by OpenSeadragon
