| e-texts navigator |
| Wylie |
308a1 དཔལ་ཡང་དག་དགོངས་པ་ཉིད།། མཚན་མའི་ཆོས་དང་བྲལ་ལམ་ཅི།། ཡང་ན་མཚན་མ་མེད་པ་ལ།། ཡང་ན་དཀྱིལ་འཁོར་གཅིག་ལ་བརྟེན།། དེ་བཞིན་གང་གིས་མཚོན་པར་བྱེད།། ལུང་ལ
308a2 བརྟེན་ཏེ་གྲུབ་བམ་ཅི།། ཡང་ན་རིགས་པ་དག་ལ་བརྟེན།། དེ་བཞིན་མན་ངག་བརྟེན་འགྱུར་རམ།། ཡང་ན་རང་ཉིད་ལ་བརྟེན་ནམ།། དེ་བཞིན་གང་ལ་བརྟེན་པ་ཡིན།། ཡང་དག་དོན་ཆེན་བགྲོས་ཏེ་གསུངས།། ཞེས
308a3 དྲི་བ་དྲིས་སོ།། དེ་ནས་འཇམ་དཔལ་སྨྲ་བའི་སེང་གེ་སྐྱེས་བུ་དམ་པ་དེས།། འདི་སྐད་ཅེས་སྨྲས་སོ།། ཀྱེ་ཧོ་ལེགས་པར་དྲིས་ལན་ཟུང་།། དྲི་བའི་ཕྱིར་ན་ལན་ཉིད་ཞུ།། དེ་ནས་དབང་ཕྱུག་དེས་སྨྲས་པ།། ཀྱེ་ཧོ་འཇམ
308a4 དཔལ་གཞོན་ནུ་ཉིད།། དྲིས་པའི་ལན་ཉིད་མེད་དམ་ཅི།། དེ་ནས་སྐྱེས་བུ་དམ་པས་གསུངས།། ང་ཡིས་ལན་གདབ་ལེགས་པར་ཉོན།། འཇམ་དཔལ་ཡང་དག་དགོངས་པ་ཉིད།། མཚན་མའི་ཆོས
308a5 དང་བྲལ་བའོ།། རྣམ་རྟོག་མཚན་མ་ཀ་ནས་དག། དགོས་ཆེད་འབྲས་བུ་རང་གྲོལ་ལོ།། ཡོན་ཏན་སྣ་ཚོགས་སྐུ་ལྔར་ཤར།། བསམ་པའི་དོན་འབྱུང་དེ་དག་ལས།། བློ་དམན་གང་ཟག་ཤས་ཆུང་ལ།། མཚན་མ་བསྒོམ
308a6 པའི་རིམ་པར་སྣང་།། སྤྱི་དང་རང་གི་མཚན་ཉིད་བརྟགས།། དགོངས་པ་ཉིད་ལ་རྫོགས་པའོ།། དེ་མཐུན་ཤེས་རབ་ངེས་པར་རྙེད།། བསྒོམ་པའི་བྱེ་བྲག་གོང་བཞིན་དུ།། དེ་ལ་མཚན་མ་མེད་པའི་རྟགས།། ཤེས་རབ
iiif viewer powered by OpenSeadragon
