| e-texts navigator |
| Wylie |
307a1 དཀྱིལ་འཁོར་བྱུང་།། མ་བཀོད་ཕུང་པོ་མཛེས་པ་ཡི།། ལམ་ལས་ཡང་དག་དཀྱིལ་འཁོར་བྱུང་།། དོན་ལས་ཡེ་ཤེས་དཀྱིལ་འཁོར་བྱུང་།། སེམས་ལས་སྣ་ཚོགས་དཀྱིལ་འཁོར་བྱུང་།། ཆོས་ལས་རྡོ
307a2 རྗེའི་དཀྱིལ་འཁོར་བྱུང་།། ཡང་དག་དོན་རྟོགས་དེ་བཞིན་ནོ།། ཞེས་རིག་པ་རང་ཤར་ཆེན་པོའི་རྒྱུད་ལས།། མི་གཡོ་མཉམ་གཞག་གི་དགོངས་པ་བསྟན་པའི་ལེའུ་སྟེ་དོན་དགུ་པའོ།། །། དེ་ནས་རྣམ་པར་གྲོལ
307a3 བའི་སྐྱེས་བུ་སྨྲ་བའི་སེང་གེ་འཇམ་དཔའ་གཞོན་ནུར་གྱུར་པ་ཞེས་བྱ་བ་དེས།། འདི་སྐད་ཅེས་འཁོར་གྱི་བྱང་ཆུབ་སེམས་དཔའ་རྣམས་ལ་བཀའ་སྩལ་ཏོ།། ཀྱེ་མ་འདུས་པའི་འཁོར་ཚོགས་ཉོན།། ངས་བསྟན་ལེགས
307a4 པར་ཡིད་ཀྱིས་ཉོན།། ཨེ་མ་ཧོ།། འཇམ་དཔལ་རང་བྱུང་ཡེ་ཤེས་ནི།། ཚིག་ལ་མི་གནས་ཀུན་གྱིས་གོ་བ་མེད།། གོ་བ་མེད་དེ་མཐོང་བྱེད་ཡོད།། མཐོང་བྱེད་རིག་པ་འདི་ལྟ་སྟེ།། ཤེས་རབ་རིག་པ་བློ་ཡི་ངང
307a5 ལས་སྤྱོད།། སྐུ་ཡི་རྣམ་པ་ཐུགས་ཀྱི་ཀློང་ནས་གསལ།། དཔེར་ན་མེ་ལོང་ཆུ་ཟླ་བཞིན།། མ་ཆགས་ཞེན་མེད་རང་གྲོལ་ཉིད།། སྟོང་པ་རང་སྣང་ཡུལ་ལ་མེད།། ཡུལ་ལ་འཆར་བའི་སྒོ་ནི་རྣམ་པ་གཉིས།། འདོད་པའི་སྒོ
307a6 ནས་ཤེས་རབ་རྩལ་དུ་ཤར།། ཡེ་ཤེས་སྒོ་ནས་སྐུ་དང་ཡེ་ཤེས་ཤར།། འབྱེད་མེད་ཤེས་རབ་གཞི་ལ་གནས་པ་འབྱུང་།། ངོ་སྤྱོད་རྟོགས་པ་ཐོབ་གྱུར་བས།། མི་བསླུ་ངེས་པའི་སྣང་བ་ལྔ།། ཤེས་རབ་མཁའ་ལ་བསྐྱོད་དེ
iiif viewer powered by OpenSeadragon
