| e-texts navigator |
| Wylie |
306b1 པའི་འོད་ཆེན་ལ།། སྟོང་པ་མེད་པའི་ཉི་ཟླ་ཤར།། ཤར་བ་ཉིད་ནས་ནུབ་པ་མེད།། མ་འགགས་ཐབས་ཀྱི་སྐུ་ལྔ་གསལ།། འདུ་འབྲལ་མེད་པའི་ཐིག་ལེ་རྟོགས།། ཡང་དག་རིག་པའི་ཡེ་ཤེས་མཐོང་།། སྟོང་པ་ཡུལ་གྱི
306b2 རྒྱ་ཡིས་བཏབ།། རྣམ་དག་བུམ་པའི་འོད་ཟེར་འཕྲོ།། གསལ་བ་ཐུགས་ཀྱི་ཕོ་བྲང་ནས།། ཡེ་ཤེས་རིག་པའི་ཆོ་འཕྲུལ་སྣང་།། བྱ་བ་རྟོགས་པའི་ཡེ་ཤེས་གསལ།། འགྱུར་བ་མེད་པ་རིན་པོ་ཆེ།། དགོས་འདོད་རེ་བ
306b3 ཡིད་བཞིན་སྐོང་།། སྟོང་པ་ཡུལ་གྱི་ཕོ་བྲང་དུ།། རྡོ་རྗེ་སེམས་དཔའི་ཐིག་ལེར་ཤར།། དྲན་པ་མེད་པའི་ཀློང་དུ་འདུས།། བརྗོད་པ་མེད་པའི་ཀློང་དུ་བསྐྱལ།། བསམ་པ་མེད་པའི་ཆོས་སྐུ་མཐོང་།། ཡངས་པ་ཆེན་པོའི
306b4 དབྱིངས་ཉིད་མཐོང་།། བརྗོད་པ་མེད་པའི་ངང་དུ་ཐིམ།། ཡང་དག་རིག་པ་མཁའ་ལ་གཤེགས།། དཀྱིལ་འཁོར་ལ་ཡང་དཀྱིལ་འཁོར་ཐིམ།། ཆོས་ཉིད་ལ་ཡང་ཆོས་ཉིད་རོལ།། ཡེ་ཤེས་ཡེ་ཤེས་ཁྱད་པར
306b5 གྱིས།། ཆོས་ཉིད་དོན་ལ་བལྟས་པ་མེད།། དཀྱིལ་འཁོར་གསུང་གི་ཁྱད་པར་གྱིས།། གསང་སྔགས་ཐབས་ཀྱི་དཀྱིལ་འཁོར་ཉིད།། ཡུམ་གྱི་མཁའ་ལ་དེ་བཞིན་རོལ།། གསང་བའི་སྐུ་ལ་བརྗོད་དུ་མེད།། འོད་ལ
306b6 འོད་ཀྱིས་བརྒྱན་པ་ཉིད།། སྐུ་ལ་སྐུ་ཡིས་ཡང་དག་བརྒྱན།། ཡེ་ཤེས་ལ་ཡང་ཡེ་ཤེས་ཏེ།། དེ་བཞིན་ཐམས་ཅད་སོ་སོ་ནས།། མ་འགགས་སོ་སོའི་མཚན་ཉིད་འཛིན།། རིག་པའི་ཡེ་ཤེས་སྐུ་ལ་ཁྱབ།། སྐུ་ལ་ཡེ་ཤེས
iiif viewer powered by OpenSeadragon
