| e-texts navigator |
| Wylie |
306a1 བར་མི་འདོད་ཆོས་དང་བྲལ།། གོ་བའི་ཡུལ་ན་ཤེས་རིག་ཆེ།། མཐོང་བའི་ཡུལ་ན་སྣང་བ་གསལ།། ཤེས་པའི་དུས་ན་ཡངས་པ་ཆེ།། མཐུན་པས་གང་གིས་ཆོས་དང་བྲལ།། ཐེ་ཚོམ་སྒྲོ་འདོགས་ཆོས
306a2 དང་བྲལ།། མི་གཡོ་མཉམ་གཞག་དཀྱིལ་འཁོར་ཉིད།། རང་ལས་སྤྲུལ་ཞིང་རང་ལ་ཐིམ།། བྱིང་དང་རྒོད་པའི་མཐའ་ལས་འདས།། རྟག་ཉིད་རྡོ་རྗེའི་སྐུ་དང་ལྡན།། མུན་པ་འཁོར་བའི་ཡུལ་ལས་འདས།། རྟོག་པ་དེ
306a3 ཉིད་རང་སར་གྲོལ།། རྟོགས་པ་ཆོས་ཉིད་རྒྱལ་པོར་གསུངས།། ཆོས་ཉིད་ཀ་དག་མ་རིག་མེད།། བསྟན་པ་ཀུན་གྱི་སྙིང་པོ་ཉིད།། ང་ལས་ཐམས་ཅད་བྱུང་བའོ།། བྱ་བྱེད་འཛིན་པའི་ཡུལ་ལས་འདས།། ཡང་དག་དོན
306a4 ལ་མཉམ་པར་བཞག། ཡེ་ཤེས་དོན་ལ་ངོས་བཟུང་མེད།། མཚོན་པའི་དཔེ་དང་བཅས་པའོ།། ཨེ་མ་བཀོད་པ་རིན་ཆེན་ཕྲེང་།། མ་བཀོད་ཕྱོགས་སུ་གྲུབ་པ་མེད།། རང་ཤར་མེ་ལོང་འོད་པོ་ཆེ།། དང་པོ་རྐྱེན་གྱིས
306a5 འཁྲུལ་པའི་ཕྱིར།། མཐའ་མ་རྐྱེན་གྱིས་བཟློག་པར་བྱེད།། དེ་ནས་རྐྱེན་དང་རྒྱུ་ཉིད་ཀྱང་།། རྡོ་རྗེ་སེམས་དཔའི་ཐུགས་ལས་བྱུང་།། རྡོ་རྗེ་སེམས་དཔའ་བདག་ཉིད་ཀྱང་།། ཡང་དག་ནོར་བུ་རིན་ཆེན་སྟོར།། དེ་ནས
306a6 མུན་པའི་སྨག་ཏུ་འཁྱམས།། དེ་ནས་ནོར་བུ་རིན་ཆེན་རྙེད།། སྣང་བ་ཉི་མའི་འོད་ཟེར་བཞིན།། ཀུན་ལ་སྙོམས་པའི་འོད་ལྟར་སྣང་།། ང་ཡི་ནོར་བུ་རིན་ཆེན་གྱི།། འོད་ལ་རྒྱལ་བ་ཐམས་ཅད་བཞུགས།། ནུབ་པ་མེད
iiif viewer powered by OpenSeadragon
