| e-texts navigator |
| Wylie |
305a1 དག་ཡེ་ཤེས་འོད་དང་བཅས།། མཁའ་མཉམ་རིག་པའི་སྐུ་དང་བཅས།། སྟོང་པ་རྡོ་རྗེ་ལམ་དང་བཅས།། གསལ་བ་འོད་ཀྱི་དབྱིངས་སུ་འདུས།། དེ་བཞིན་དགོངས་པ་དག་པའོ།། ཨེ་མ་རྫོགས་ཆེན
305a2 བྱང་ཆུབ་སེམས།། མཁའ་མཉམ་རྡོ་རྗེའི་སྐུ་ལ་སྤྱོད།། སྟོང་པ་ཡང་དག་ལུས་ལ་རྫོགས།། སེམས་སོགས་འཛིན་པའི་ཆོས་ལས་གྲོལ།། སྐྱེ་མེད་ཡང་དག་ངོ་བོ་རྙེད་པར་གསུངས།། མི་བསྐྱོད་མཁའ་ལ་རིག་པ
305a3 གསལ།། སྐྱེ་མེད་ཀློང་དུ་ཡང་དག་འདུས།། འགག་མེད་ཀློང་དུ་དེ་བཞིན་གཤེགས།། རྣམ་དག་སྤྱན་ལྔ་མངོན་སངས་རྒྱས།། འབར་བ་འབར་བའི་ཡེ་ཤེས་མཆོག། སྟོང་པ་སྟོང་པའི་ཡུལ་ལས་འདས།། དག་པ་དག
305a4 པའི་དཀྱིལ་འཁོར་རྙེད་པའོ།། ཞེས་རིག་པ་རང་ཤར་ཆེན་པོའི་རྒྱུད་ལས། རྫོགས་ཆེན་རང་སྐད་སྨྲ་བའི་ལེའུ་སྟེ་དོན་བརྒྱད་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ
305a5 བཅོམ་ལྡན་རྣམ་དག་སྐུ།། རྫོགས་ཆེན་རང་སྐད་དེ་ལྟར་ན།། བདག་ཅག་མོས་པའི་འཁོར་རྣམས་ལ།། མི་གཡོ་མཉམ་གཞག་གསུང་དུ་གསོལ།། ཞེས་ཞུ་བ་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་གསང
305a6 བདག་རྡོ་རྗེ་འཛིན།། ངས་བསྟན་ཁྱོད་ཀྱིས་ལེགས་པར་ཉོན།། མི་གཡོ་མཉམ་གཞག་དགོངས་པ་ནི།། འདི་ལྟར་ཀུན་ལ་ཤེས་པར་བྱ།། མི་གཡོ་བ་ནི་སྐུ་ཡི་རྒྱན།། མི་བསྐྱོད་པ་ནི་ཡེ་ཤེས་ཏེ།། མི་འགག་པ་ནི་ཤེས
iiif viewer powered by OpenSeadragon
