| e-texts navigator |
| Wylie |
304b1 གནས་ཡེ་ཤེས་གཏང་གཞག་མེད།། རྫོགས་པ་མེད་པར་མཚན་མ་རང་སར་གྲོལ།། ཡེ་ཤེས་རྡོ་རྗེ་སྒྲོན་མ་འབར་བའི་སྐུ།། ཡང་དག་བདེ་བའི་འོད་གསལ་མཉམ་པའི་སྐུ།། འགག་མེད་རང་གྲོལ་རྫོགས་ཆེན་ཨ
304b2 ཏིའི་དོན།། མ་བསྐྱེད་རྫོགས་པའི་ཐིག་ལེ་རྣམ་ལྔ་གསལ།། འགྱུར་མེད་ཡེ་ཤེས་དག་པའི་ཕྱོགས་དང་བྲལ།། སྟོང་པ་རང་སངས་ནམ་མཁའི་ཁུ་རླངས་བཞིན།། འགྱུར་མེད་རང་དག་ཆུ་ཡི་ལྦུ་བ་བཞིན།། རྣམ་དག
304b3 མཁའ་མཉམ་རྡོ་རྗེ་སྟོང་པ་ཉིད།། དུས་མེད་ལྷུག་པ་ཆུ་ཡི་དཀྱིལ་འཁོར་བཞིན།། སྟོང་པའི་དོན་ལ་ཅིས་ཀྱང་བསྐྱོད་དུ་མེད།། གསང་བའི་དཀྱིལ་འཁོར་ཡེ་ཤེས་ལྔ་དང་ལྡན།། དག་པའི་ཡེ་ཤེས་ཚོམ་བུ་ལྔ་དང
304b4 ལྡན།། རྫོགས་ཆེན་གསང་བའི་དཀྱིལ་འཁོར་དམ་པ་ན།། རྫོགས་ཆེན་དོན་ལ་ཐོགས་པ་མེད་པར་འབྱུང་།། ཚིག་དོན་ཡེ་ཤེས་གཏན་ཚིགས་ཆེན་པོར་བཤད།། ཡང་དག་ཡེ་ཤེས་ཟླ་འོད་བཟང་།། འོད་ཆེན་སྟོན་ཀའི
304b5 ཟླ་བའི་འོད།། སྤྲོ་ཞིང་བསྡུ་བ་མེད་པ་ལྟར།། རྫོགས་ཆེན་འོད་ལ་སྐྱེ་དང་འབྲི་བ་མེད།། རྫོགས་ཆེན་ཡེ་ཤེས་རང་སྣང་ཡིན།། མཚན་མ་ཚིག་གི་མཐའ་དང་བྲལ།། མཐའ་བྲལ་ཡེ་ཤེས་ཆེན་པོའི་སྐུ།། འཛིན་པ་མེད
304b6 པར་གཟུགས་སུ་སྣང་།། འགྲོ་འོང་མེད་པར་དབྱིངས་སུ་ཐིམ།། གནས་པ་མེད་པར་རང་སར་གྲོལ།། སྟོང་པའི་ཚིག་གི་མཐའ་དང་བྲལ།། དག་པ་འོད་ཀྱི་ཡུལ་དང་བཅས།། ཁྱབ་པའི་ཐིག་ལེ་སྐུ་དང་བཅས།། ཡང
iiif viewer powered by OpenSeadragon
