| e-texts navigator |
| Wylie |
303b1 གཅིག་ཀྱང་མེད།། རིག་པའི་ངོ་བོ་འགྱུར་བ་མེད།། རང་བཞིན་ནམ་མཁར་གནས་པ་ནི།། ནམ་མཁར་གནས་པའི་འཇའ་ཚོན་བཞིན།། སང་ངེ་ས་ལེ་མ་འདྲེས་ཡོངས་སུ་རྫོགས།། དཔེར་ན་རྒྱལ་པོས་བློན་པོ་ལ
303b2 བསྒོས་ལྟར།། རིག་པ་དབྱིངས་ལ་ཤར་བས་ཕྱི་ཡི་ཚུལ།། འབངས་ཀྱིས་རྒྱལ་སྲིད་ཕུལ་ནས་དབང་བསྐུར་ལྟར།། རང་བྱུང་རང་རྫོགས་བླ་ན་མེད་པའི་ཚུལ།། རིག་པའི་ཡེ་ཤེས་ཟང་ཐལ་ཡུལ་ལས་འདས།། རང་རིག
303b3 བྱང་ཆུབ་སེམས་ལ་མ་རིག་མུན་པས་བསྒྲིབས།། འགྲོ་བ་ཀུན་གྱི་སྙིང་ལ་དུག་ཆེན་འདི་གཡོས་པས།། ཐར་ལམ་མི་འཐོབ་སྐྱེ་ཞིང་འཆི་ལ་རྟོག། མ་རིག་མ་སྤངས་བཞག་ན་རིག་པ་སྐྱེ་བར་འགྱུར།། ལྟ་བ་མ་ནོར
303b4 བདེན་གཉིས་དོན་ལྡན་ཞིང་།། བདག་དང་སངས་རྒྱས་དབྱེར་མེད་མཉམ་པའི་བློས།། རིག་པའི་ཡུལ་ལ་བལྟས་ན་ཏིང་འཛིན་ཐོབ།། དམིགས་པའི་ཡུལ་དང་བྲལ་ན་སྒྲོན་མ་ཡུལ་ལ་སྣང་།། སྣང་འབྱེད་བཙལ་སེམས
303b5 མེད་པར་ཡེ་ཤེས་དབྱིངས་སུ་འདུས།། ཐོབ་དང་མ་ཐོབ་མེད་པར་ཡེ་ཤེས་སྐྱེ།། གྲོལ་དང་མ་གྲོལ་གཉིས་མེད་ཤེས་རབ་ཆེ།། རྫོགས་པའི་རིག་པ་ཡུལ་ལ་ལྷུག་པར་ཤར།། ལྷུག་པ་ཉིད་ལ་ཡེ་ཤེས་སྣང་བ་འགག་མེད
303b6 སྐྱེ།། བསྐྱེད་བྱ་སྐྱེད་བྱེད་མེད་པར་ཡུལ་ལ་མངོན་པར་སྣང་།། མ་བཀོད་ནོར་བུའི་སྐུ་ལ་ཡེ་ཤེས་རྫོགས་པའོ།། ཀྱེ་མ་རྫོགས་པ་ཆེན་པོ་ཨ་ཏི་ནི།། གང་གི་ཕྱོགས་སུ་མ་ལྷུང་ཡེ་ཤེས་དོན་ལ་སྤྱོད།། དཔེར་ན་གཅན
iiif viewer powered by OpenSeadragon
