| e-texts navigator |
| Wylie |
303a1 སངས་རྒྱས་ཐམས་ཅད་བྱུང་།། ང་ཡི་མཚན་མའི་སྐུ་ལྔ་ལས།། ལོངས་སྤྱོད་རྫོགས་པའི་ཞིང་ཁམས་ཆགས།། ང་ཡི་ཐུགས་རྗེ་འོད་ཟེར་ལས།། སྤྲུལ་པ་ཕྱེད་སྣང་ཞིང་ཁམས་ཆགས།། ང་ཡི་མིག་གི་འོད
303a2 ཟེར་ལས།། ལས་དག་སྤྲུལ་པའི་ཞིང་ཁམས་ཆགས།། ང་ཡི་སྐུ་གསུམ་འགག་མེད་ཀུན་ལ་རོལ།། ང་ཡི་ཞིང་ཁམས་རྡོ་རྗེའི་སྐུ་ལ་རྫོགས།། ང་ཡི་སྙིང་པོ་ཙིཏྟའི་དཀྱིལ་ན་རྫོགས།། ང་ཡི་ངོ་བོ་ཀ་དག་ས་ལ
303a3 གནས།། ང་ཡི་འབྲས་བུ་སྒྲོན་མའི་ཡུལ་ལ་སྣང་།། ང་ཡི་མཛད་སྤྱོད་ནམ་མཁའི་དཀྱིལ་ན་གནས།། ང་ཡི་ཐུགས་རྗེ་འཁྲུལ་སྣང་ཡུལ་ལ་གནས།། ང་ཡི་དཀྱིལ་འཁོར་དུང་ཁང་ནང་དུ་རྫོགས།། ང་ཡི་ཡེ་ཤེས་པར་དོའི
303a4 ཡུལ་ལ་རྫོགས།། ང་ཡི་ཤེས་རབ་ཕྱི་ནང་ཆོས་ལ་རྫོགས།། ང་ཡི་ཏིང་འཛིན་སྟོང་པའི་ངང་ལ་གནས།། དེ་བཞིན་ང་ལས་མ་བྱུང་གང་ཡང་མེད།། ཐམས་ཅད་མ་ལུས་ང་ཡི་ཆོ་འཕྲུལ་ཏེ།། བརྗོད་མེད་རང་བྱུང་རྒྱལ་བ
303a5 ཀུན་གྱི་གསུང་།། རྣམ་དག་དོན་སྤྱོད་རྒྱལ་བ་ཀུན་གྱི་ཡབ།། སྣ་ཚོགས་ཤེས་རབ་རྒྱལ་བ་ཀུན་གྱི་ཡུམ།། ཐ་དད་ཡེ་ཤེས་རྒྱལ་བ་ཀུན་གྱི་ངང་།། གཅིག་དང་དུ་མ་རྒྱལ་བ་ཀུན་གྱི་ཡུལ།། ཡེ་ཤེས་ཆོས་ཀྱི་དབྱིངས
303a6 དང་ཁྱད་མེད་པས།། སྐྱེ་མེད་ཡེ་ཤེས་མེ་ལོང་ལྟ་བུས་མཁྱེན།། ཡེ་ཤེས་རིག་པའི་རང་དུ་དབྱེར་མེད་མཁྱེན།། ཆོས་ཀྱི་དབྱིངས་ལ་ཆོས་ཉིད་ཡེ་ཤེས་བརྗོད།། རྣལ་འབྱོར་རིག་པ་མཐོང་གྱུར་ན།། རྒྱལ་བ་མ་བསྒོམས
iiif viewer powered by OpenSeadragon
