| e-texts navigator |
| Wylie |
302b1 རྒྱལ་ལེགས་པར་ཉོན།། ལམ་མེད་ལམ་དུ་ཞུགས་ན་ལྟུང་བ་ཆེན་པོར་འགྱུར།། དེ་བས་ལམ་ལ་མི་གནས་དོན་ལ་བལྟ།། རྫོགས་ཆེན་རང་སྐད་ཐུགས་ཀྱི་ལྟ་བ་ནི།། དོན་དཔེ་འདི་ལས་མེད་པར་གསུངས།། བྱ་རྒྱལ
302b2 མེད་པའི་སྔོན་རོལ་ན།། སྒོ་ངའི་ནང་ནས་གཤོག་དྲུག་རྒྱས།། ཁྱུང་ཆེན་མཁའ་ལ་ལྡིང་བ་བཞིན།། ནམ་མཁའ་མེད་པའི་སྔོན་རོལ་ན།། ནམ་མཁའི་མཚན་ཉིད་ཡེ་ནས་མེད།། ཆོས་ཉིད་མེད་པའི་སྔོན་རོལ་ན།། ཆོས
302b3 ཅན་མཚན་མའི་མིང་ཡང་མེད།། སངས་རྒྱས་མེད་པའི་སྔོན་རོལ་ན།། སེམས་ཅན་མཚན་མ་ཡེ་ནས་མེད།། མྱ་ངན་འདས་པའི་སྔོན་རོལ་ན།། འཁོར་བ་བྱ་བ་མིང་ཡང་མེད།། དེ་ཕྱིར་སངས་རྒྱས་ཐམས་ཅད་ཀྱི།། རྗེ
302b4 བཙུན་དམ་པ་ང་ཡིན་ནོ།། འབྱུང་བ་ལྔ་བས་ང་ཉིད་ཆེ།། འབྱུང་བ་བས་ཀྱང་ང་སྔར་བྱུང་།། སངས་རྒྱས་པས་ཀྱང་ང་སྔར་རྒྱས།། ང་ནི་ཡང་དག་བདེ་བའི་སྐུ།། ང་ཡི་སྐུ་ལ་ཐམས་ཅད་རྫོགས།། ང་ཡི་གསུང་ལ་ཐམས
302b5 ཅད་རོལ།། ང་ཡི་ཐུགས་ལ་ཐམས་ཅད་རྟོགས།། ང་ཡི་ཡོན་ཏན་ཅིར་ཡང་སྣང་།། ང་ཡི་ཕྲིན་ལས་མ་བཙལ་རྙེད།། ང་ཡི་ལྟ་བ་ཐིག་ལེའི་སྐུ།། ང་ཡི་སྒོམ་པ་བློ་ལས་གྲོལ།། ང་ཡི་སྤྱོད་པ་ཡུལ་ལས་འདས།། ང་ཡི
302b6 འབྲས་བུ་གཅིག་པའི་ས།། ང་ཡི་དམ་ཚིག་བསྲུང་དང་བྲལ།། ང་ཡི་དབང་ལ་འགྱུར་བ་མེད།། ང་ནི་དུར་ཁྲོད་ཆེན་པོ་སྟེ།། སངས་རྒྱས་སེམས་ཅན་ཀུན་གྱི་དུར།། ང་ཡི་བྱིན་རླབས་ཆེན་པོ་ལས།། དུས་གསུམ
iiif viewer powered by OpenSeadragon
