| e-texts navigator |
| Wylie |
302a1 ལྟ་བུའི་དོན་ལ་ཡང་མི་གནས་པའི་དུས་ན། སངས་རྒྱས་ཀྱི་དགོངས་པའི་ཚད་རྙེད་པ་ཡིན་ནོ།། ང་ཉིད་སྒྲོན་མའི་ཡེ་ཤེས་སྣང་བའི་དུས་ན། དག་པའི་ཞིང་ཁམས་རྣམས་མ་བཀོད་པར་སྣང་བ་མ
302a2 བསྒྲིབས་ཡོངས་སུ་གསལ་བའི་ལམ། མཐའ་དང་དབུས་སུ་མེད་པ། ཕྱོགས་དང་རིས་སུ་མེད་པ་དུ་མ་དང་བརྟེན་པ་མེད་པར་གསལ་བའོ།། ཚིག་གིས་བརྗོད་དུ་མེད་པ། དཔེ་ཡིས་མཚོན་དུ་མེད་པ། རང་རིག་པའི
302a3 ཡེ་ཤེས་སུ་གསལ་བ། འགྱུར་མེད་ཀྱི་ཡེ་ཤེས་ཡུལ་ལ་སྣང་བ། འགག་མེད་ཀྱི་གཟུགས་བརྙན་རྣམ་པར་དག་པ།། བདག་ཏུ་རྟོག་པའི་མཐའ་རྣམ་པར་བསལ་བ། མཐའ་དབུས་མེད་པའི་ཡེ་ཤེས་སུ་གསལ་བ། སྟེང
302a4 འོག་མེད་པར་ཀུན་ཏུ་ཟད་ཐལ་བ། མཁྱེན་པའི་ངོ་བོ་སྟོང་པའི་ཤེས་རབ། འཛིན་རྟོག་བཙོན་དུ་བཟུང་བ། བདེ་བ་ལ་རེས་འཇོག་མེད་པ། ཐིམ་པ་ལ་མ་རྨུགས་པ། ཁྱབ་གད་ལ་ཡེ་ཤེས་ཀྱི་སྙིང་པོ་ཅན།། འུབ་ཆུབ
302a5 སྟོང་པའི་རང་བཞིན་ཅན། ཡང་དག་ཤེས་པའི་ཁྱད་པར་དང་ལྡན་པའོ།། ཞེས་རིག་པ་རང་ཤར་ཆེན་པོའི་རྒྱུད་ལས། ས་ལམ་བསྒྲུབ་ཏུ་མེད་པའི་ལེའུ་སྟེ་དོན་བདུན་པའོ།། །། དེ་ནས་ཡང་གསང་བའི
302a6 བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་སེམས།། ས་ཡི་དོན་སྦྱོར་དེ་ལྟར་ན།། རྫོགས་ཆེན་རང་སྐད་གསུང་དུ་གསོལ།། ཞེས་ཞུ་བ་ཞུས་སོ།། དེ་ནས་ཡང་བཀའ་སྩལ་པ།། ཨེ་མ་རྡོ་རྗེ་འཛིན
iiif viewer powered by OpenSeadragon
