| e-texts navigator |
| Wylie |
29a1 རྒྱ་གར་སྐད་དུ། བཛྲ་དུ་རླི་མ་ཧཱ་སུ་ཀ་ན་མཱ། བོད་སྐད་དུ།། ཚེ་ལས་འདས་པ་རྣམས་ཀྱི་བདུན་ཚིགས་ཐ་མ་ལ་རང་རང་གི་ཟས་གཏད་ཤིད་ཀྱི་ལུང་ཆེན་པོ་ཞེས་བྱ་བ། བཅོམ་ལྡན་འདས་སངས་རྒྱས
29a2 འོད་སྲུང་ལ་ཕྱག་འཚལ་ལོ།། དེ་ནས་བཅོམ་ལྡན་འདས་དཔལ་པདྨ་དབང་ཆེན་ཉིད་དང་། འདུས་པའི་ཚོགས་ཀྱི་བཅོམ་ལྡན་འདས་དེ་རྣམས་ཀྱི། རྣལ་འབྱོར་པ་ཚེ་འདས་པ་རྣམས་ཀྱི་བདུན་ཚིགས་ཐ་མ་ལ། རང
29a3 རང་གི་ཟས་གཏད་མའི་ཆོ་ག་འདི་གསུངས་སོ།། ཀྱེ་མ་འདུས་པའི་ཚོགས་རྣམས་ཉོན།། ངས་ནི་སྣང་བའི་དཀྱིལ་འཁོར་ཆེན་པོ་འདི་བསྟན་གྱིས།། ལེགས་པར་ཉོན་ཅིག། དེ་ནས་ཉེ་བའི་འཁོར་རྣམས་སྟན
29a4 ལས་ལངས་ནས་འདི་སྐད་བརྗོད་དོ།། ཨེ་མ་ཧོ།། ལེགས་སོ་ལེགས་སོ་ལེགས་པར་གསུངས།། བདག་ཅག་རྣམས་ཀྱིས་ངེས་བཟུང་ནས།། ཕྱི་རབས་རྣམས་ལ་ངེས་པར་བསྟན།། དེ་ནས་རྣལ་རོལ་དེ་ཉིད་ཀྱིས།། ཉེ
29a5 བའི་འཁོར་ལ་བཀའ་སྩལ་པ།། ཀྱེ་ཀྱེ་འདུས་པ་ཆེན་པོའི་ཚོགས།། བདུན་ཚིགས་ཐ་མའི་ཆོ་ག་ནི།། མཆོད་པ་གོང་ནས་བྱུང་བ་བཞིན།། འགྱུར་མེད་གནས་པའི་དཀྱིལ་འཁོར་བཞེངས།། དཀྱིལ་འཁོར་དེ་ཡི་ཤར
29a6 ཕྱོགས་སུ། འགྲོ་དྲུག་དྲང་བའི་དཀྱིལ་འཁོར་བྱ།། མཎྜལ་ནར་མོ་ལྷོ་བྱང་དུ།། ཐིག་ནི་ལིང་རྩེ་དྲུག་ཏུ་བྱ།། དང་པོ་མུ་ཁྱུད་འབུར་ལྔ་བྲི།། དབུས་ནི་ནག་པོ་དག་ཏུ་བྱ།། ཐ་མ་གྲུ་བཞི་ལམ་པ་སྟེ།། དེ་ཡི་སྟེང་ན་རིན་པོ
iiif viewer powered by OpenSeadragon
