| e-texts navigator |
| Wylie |
299b1 ཀྱང་།། གང་ལ་ཐོགས་པ་མེད་པར་གསུངས་པའོ།། ཨེ་མ་ཧོ་ནོར་བུ་རིན་ཆེན་ལྟར།། ཟད་མེད་གཏེར་ལ་བདེ་བའི་བང་མཛོད་རྙེད།། སྟོང་པའི་ཡུལ་ལ་བདེ་བའི་རྒྱ་ཡིས་ཐེབས།། བདེ་བའི་ངང་ལ་གསལ་བའི་རྒྱ
299b2 ཡིས་ཐེབས།། གསལ་བའི་དབྱིངས་ལ་སྒྲ་ཡི་རྒྱ་ཡིས་ཐེབས།། སྐུ་ཉིད་རྡོ་རྗེའི་དབྱིངས་སུ་ཡང་དག་འདུས།། བདེ་བ་སྟོང་པའི་དབྱིངས་ལ་རོལ།། སྟོང་པ་བདེ་བའི་མཁའ་ལ་བསྐྱོད།། གསལ་བའི་ཐུགས་རྗེའི་ངང
299b3 དུ་ཐིམ།། ཐིམ་པ་ཡང་དག་དབྱིངས་སུ་གྲོལ།། གྲོལ་བ་མཐར་ཕྱིན་ས་ལ་གཤེགས།། རྟོག་པས་རྡོ་རྗེའི་ལམ་དུ་ཞུགས།། དེ་ཉིད་རིག་པའི་སྐུ་ལ་འདུས།། མཐའ་ཉིད་རང་གྲོལ་ཉིད་དུ་འདུས།། རང་གྲོལ་ཆོས་ཉིད
299b4 ཡུལ་ལ་སྣང་།། སྣང་བ་ནམ་མཁའི་མཐའ་ལ་སྤྱོད།། མཐའ་ཉིད་རྡོ་རྗེའི་ལམ་དུ་ཞུགས།། རྡོ་རྗེ་ལམ་ལ་འདུ་འབྲལ་མེད།། མཁའ་མཉམ་རྡོ་རྗེའི་སྐུ་ལ་འདུས།། རྡོ་རྗེའི་སྐུ་ཉིད་དབྱིངས་སུ་ཐིམ།། ཐིམ་པ་ཉིད་ནས
299b5 ཕྱིར་མི་ལྡོག། དེ་ལ་གཉེན་པོས་བཅོས་སུ་མེད།། ཅེས་རིག་པ་རང་ཤར་ཆེན་པོའི་རྒྱུད་ལས། མཚན་མ་རང་གྲོལ་གྱི་དགོངས་པ་བསྟན་པའི་ལེའུ་སྟེ་དོན་དྲུག་པའོ།། །། དེ་ནས་ཡང་གསང་བའི་བདག་པོས
299b6 འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐུགས་རྗེ་ཆེན་པོ་དང་ལྡན་པ། མཚན་མ་རང་གྲོལ་གྱི་དགོངས་པ་དེ་ལྟར་ལགས་ན། སའི་དབྱེ་བ་དང་དུས་ཚད་གསུང་དུ་གསོལ། ཞེས་ཞུས་སོ།། དེ་ནས་ཡང་ཐུགས་རྗེ
iiif viewer powered by OpenSeadragon
