| e-texts navigator |
| Wylie |
298a1 བྲལ།། འཛིན་པ་མེད་པར་རང་སར་གྲོལ།། རྟོག་པ་མེད་པས་བདེན་པ་མཐོང་།། དེ་ཕྱིར་མཚན་མ་རང་གྲོལ་ལ།། བྱས་པའི་ཆོས་ནི་ཀ་ནས་མེད།། འབྱུང་དང་བྱུང་བའི་ཆོས་ལ་སྤྱོད།། སངས་རྒྱས
298a2 དགོངས་པ་རང་གྲོལ་ཉིད།། མུན་པ་སངས་པའི་ཕྱོགས་དག་ནས།། རབ་ཏུ་དངས་པས་བལྟ་བར་བྱ།། ཡང་དག་དོན་ལ་བལྟར་མེད་ཀྱང་།། བལྟས་ན་རང་གྲོལ་དགོངས་པ་རྙེད།། ལྟ་བ་ཀུན་གྱི་ཡང་རྩེ་འདི།། ཨ་ཏི
298a3 རྫོགས་པ་ཆེན་པོར་བཤད།། ཡངས་པ་གོ་སྐབས་ཕྱེ་བའི་དོན།། ནམ་མཁའ་ལྟ་བུར་ཤེས་པར་བྱ།། རྒྱ་ཆེ་གཏིང་ཟབ་དཔག་དཀའི་དོན།། རྒྱ་མཚོ་ཆེན་པོའི་གཏིང་དང་མཚུངས།། གསལ་བའི་འོད་ཟེར་འདུས་པའི
298a4 དོན།། ཉི་མའི་དཀྱིལ་འཁོར་ཉིད་དུ་ཤེས།། རྟོག་པའི་མཐའ་ལས་གྲོལ་བའི་ཕྱིར།། གསང་སྔགས་ཐབས་ཀྱི་རྒྱལ་པོར་གསུངས།། མཚན་མ་རང་གྲོལ་དགོངས་པའི་དོན་རྙེད་པས།། ཡེ་ཤེས་འོད་གསལ་གསང་བར
298a5 གསལ།། ཐེག་ཆེན་འདི་ནི་མཁའ་ལ་ཉི་ཤར་འདྲ།། མཐའ་ཡི་མུན་པ་ཡེ་ནས་མེད་ཅེས་གསུངས།། མཚན་མ་རང་གྲོལ་ཆོས་ཉིད་དགོངས་པ་ལས།། བསྒོམ་པའི་ཡུལ་མེད་འཛིན་པའི་ཆོས་ལས་གྲོལ།། བསྒོམ་ཆགས
298a6 མེད་པའི་བདག་འཛིན་སྡུག་བསྔལ་ཡིན།། བསྒོམ་པའི་གནས་མེད་རྟག་ཏུ་མཐོང་གྱུར་ན།། བསྒོམ་པ་མེད་པའི་མཚན་མ་རང་གྲོལ་གང་ལ་མི་རྟོག་མཐོང་།། དབྱེར་མེད་ལྷུན་རྫོགས་ཐེག་ལེ་དབྱིངས་ཉིད་ཆེ།། བསྐྱེད
iiif viewer powered by OpenSeadragon
