| e-texts navigator |
| Wylie |
297a1 ལྟ་སྟེ།། མ་རིག་ཆོམ་ལ་དབབ་པའི་ཕྱིར།། རིག་པ་སྒྲོན་མའི་དབང་བསྐུར་བྱ།། གསང་བའི་དབང་ལ་དོན་བཞི་བསྟན།། ཕྱི་དང་ནང་དང་གསང་བ་དང་།། ཡོངས་སུ་རྫོགས་པ་བཞི་ཡི་བསྟན།། གསང
297a2 བའི་ཕྱི་ནི་འདི་ལྟ་སྟེ།། དཔེ་དང་དོན་དང་རྟགས་དང་གསུམ།། འོད་ལྔ་གསལ་བ་ཡོད་པའི་ཕྱིར།། ཤེལ་དང་སྐུ་ཡི་དབང་བསྐུར་བྱ།། གསང་བའི་ནང་ནི་འདི་ལྟ་སྟེ།། ཉི་ཤུ་རྩ་གཅིག་མཐར་དབྱུང་སྟེ།། གདམས་ངག
297a3 ཉི་ཤུའི་དབང་བསྐུར་བྱ།། གསང་བའི་གསང་བ་འདི་ལྟ་སྟེ།། དག་པ་ཉམས་སུ་བླང་བའི་ཕྱིར།། བཞག་ཐབས་བདུན་པའི་དབང་བསྐུར་བྱ།། གསང་བའི་ཡོངས་རྫོགས་འདི་ལྟ་སྟེ།། གསང་བའི་ཡེ་ཤེས་ཡོད་པའི
297a4 ཕྱིར།། རིག་པ་སྒྲོན་མའི་དབང་བསྐུར་བྱ།། དེ་བཞིན་དབང་གི་རྣམ་པ་རྣམས།། རིམ་པ་བཞིན་དུ་བསྐུར་བར་བྱ།། ཞེས་རིག་པ་རང་ཤར་ཆེན་པོའི་རྒྱུད་ལས། དབང་གི་སྡོམ་བྱང་བསྟན་པའི་ལེའུ་སྟེ་དོན་ལྔ
297a5 པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་མ་བཅོམ་ལྡན་རྡོ་རྗེ་འཆང་།། དབང་གི་སྡོམ་བྱང་དེ་ལྟར་ན།། བདག་ཅག་མོས་པའི་འཁོར་རྣམས་ལ།། མཚན་མ་རང་གྲོལ
297a6 གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཨེ་མ་གསང་བའི་བདག་པོ་ཉོན།། ངས་བསྟན་ལེགས་པར་ཡིད་ལ་ཟུང་།། མཚན་མ་རང་གྲོལ་དགོངས་པ་ཉིད།། ཁྱོད་ཀྱིས་གོ་བར་ཤིན་ཏུ
iiif viewer powered by OpenSeadragon
