| e-texts navigator |
| Wylie |
296b1 ལྟར།། བཀྲ་ཤིས་ཡོན་ཏན་རྫས་བརྒྱད་ཀྱིས།། དབང་བསྐུར་དག་སྣང་མཐོང་བར་འགྱུར།། རྡོ་རྗེ་པདྨའི་དབང་མཆོག་རྣམས།། རབ་ཏུ་གསང་ཞིང་སྤྱད་པར་བྱ།། དེ་ལ་སོགས་པའི་དབང་བསྐུར་རྣམས།། ཡང་དག
296b2 དབང་ཉིད་ཐོབ་པར་བྱའོ།། ཡང་དག་དབང་ལ་དོན་གསུམ་སྟེ།། ཕྱི་དང་ནང་དང་གསང་བའོ།། ཕྱི་ཡི་རོལ་པ་ཆེན་པོར་བསྐུར།། ནང་ནི་རིག་པའི་ཡུལ་ལ་བསྐུར།། གསང་བ་ངོ་སྤྲོད་ཉིད་དུ་བསྟན།། ཕྱི་ཡི་དབང་ལ
296b3 དོན་བཞིས་བསྟན།། དེ་ཡང་ཕྱི་དང་ནང་དང་ནི།། གསང་བ་ཡོངས་སུ་རྫོགས་པར་གསུངས།། ཕྱི་ཡི་ཕྱི་ནི་འདི་ལྟ་སྟེ།། རིན་ཆེན་རྫས་ལ་བརྟེན་པའོ།། ཕྱི་ཡི་ནང་ནི་འདི་ལྟ་སྟེ།། ཅིར་སྣང་རོལ་པར་བསྐུར་བར
296b4 བྱ།། ཕྱི་ཡི་གསང་བ་འདི་ལྟ་སྟེ། དོན་དང་ཚིག་ལ་དབང་བསྐུར་བྱ།། ཕྱི་ཡི་ཡོངས་རྫོགས་འདི་ལྟ་སྟེ།། ཐམས་ཅད་རིག་པར་དབང་བསྐུར་བྱའོ།། ནང་གི་དབང་ལ་དོན་བཞི་བསྟན།། ཕྱི་དང་ནང་དང་གསང་བ
296b5 དང་།། དེ་བཞིན་ཡོངས་སུ་རྫོགས་པར་གསུངས།། དེ་ཡང་བསྟན་པ་འདི་ལྟ་སྟེ།། ནང་གི་ཕྱི་ནི་འདི་ལྟར་འདོད།། མཚན་མ་ཟིལ་གྱིས་གནོན་པའི་ཕྱིར།། བཀའ་རྟགས་ཕྱག་རྒྱའི་དབང་བསྐུར་བྱ།། ནང་གི་ནང་ནི་འདི
296b6 ལྟར་བྱ།། བསྒྲུབ་པ་ཚད་དུ་བྱ་བའི་ཕྱིར།། སྙིང་པོ་ལྷ་ཡི་དབང་བསྐུར་བྱ།། ནང་གི་གསང་བ་འདི་ལྟར་འདོད།། ཡབ་དང་ཡུམ་དུ་མཐུན་སྦྱར་ཕྱིར།། བྱང་ཆུབ་སེམས་ཀྱི་དབང་བསྐུར་བྱ།། ནང་གི་ཡོངས་རྫོགས་འདི
iiif viewer powered by OpenSeadragon
