| e-texts navigator |
| Wylie |
296a1 དབང་།། དེ་ཡང་གཞི་ལ་ལྷུན་གྱིས་གྲུབ།། མཁའ་དབྱིངས་བུམ་པའི་དབང་བསྐུར་ནི།། རིག་པ་དབྱིངས་ཀྱི་རྒྱས་བཏབ་ནས།། གཞི་ལ་ལྷུན་གྱིས་གྲུབ་པའི་ཕྱིར།། མཁའ་དབྱིངས་བུམ་པའི་དབང་ཞེས
296a2 གྲགས།། རྒྱལ་ཐབས་སྤྱི་བླུག་དབང་བསྐུར་ཡང་།། གཞི་ལ་ལྷུན་གྱིས་གྲུབ་ནས་ཡོད།། དཔེར་ན་རྒྱལ་རིགས་སྤྱི་བོ་ནས།། དབང་བསྐུར་བརྟན་པ་ཐོབ་པའི་ཕྱིར།། རིགས་ཀྱི་བུ་ལ་དབང་བསྐུར་བས།། གཞི་སྣང་རྒྱ
296a3 ཡིས་བཏབ་པའི་ཕྱིར།། དེ་ཕྱིར་རྒྱལ་ཐབས་ཞེས་བྱར་གྲགས།། རྒྱལ་སྲིད་རིན་ཆེན་སྣ་བདུན་ཡང་།། གཞི་ལ་བབ་ཀྱིས་གྲུབ་ནས་ཡོད།། རྒྱལ་བ་ཀ་དག་དཀྱིལ་འཁོར་ལ།། རྫས་བདུན་ལྷུན་གྱིས་གྲུབ་པའི
296a4 ཕྱིར།། རྒྱལ་སྲིད་རིན་ཆེན་སྣ་བདུན་ཞེས།། རྒྱལ་བ་ཀུན་གྱི་བསྔགས་པར་གསུངས།། དཔེར་ན་རྒྱས་པའི་འབྲས་བུ་བཞིན།། ཐམས་ཅད་བཅུད་ཀྱིས་རང་བཞིན་པས། སེམས་ཅན་ཐམས་ཅད་ཚིམ་བྱེད་ལྟར།། རྒྱལ
296a5 སྲིད་དག་པའི་དབང་བསྐུར་གྱིས།། ཐམས་ཅད་འབྲས་བུ་ཐོབ་པར་བྱེད།། དེ་ཕྱིར་རྒྱལ་སྲིད་རིན་ཆེན་དབང་བསྐུར་བཤད།། རིན་ཆེན་རྫས་བརྒྱད་དབང་ཉིད་ཀྱང་།། གཞི་ལ་བབ་ཀྱིས་གྲུབ་པའི་ཕྱིར།། རིན་ཆེན
296a6 རྫས་བརྒྱད་དབང་བསྐུར་བྱ། གང་དག་རང་བཞིན་སྣང་བ་ལ།། འཁོར་ལོ་རབ་ཏུ་བསྐོར་བའི་ཕྱིར།། བཀྲ་ཤིས་རྫས་བརྒྱད་དབང་བསྐུར་བསྟན།། དཔེར་ན་ཉི་མའི་སྙིང་པོ་ལ།། འོད་ཟེར་ཀུན་ནས་འབྱུང་བ
iiif viewer powered by OpenSeadragon
