| e-texts navigator |
| Wylie |
294a1 བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐུགས་རྗེ་ཆེན་པོ་དང་ལྡན་པ། བདག་ཅག་མོས་པའི་འཁོར་མཁའ་འགྲོ་མ་དང་བཅས་པ་རྣམས་ལ། ཆོས་སྐུ་དང་། ལོངས་སྐུ་དང་། སྦྲུལ་སྐུ
294a2 གསུམ་གྱི་དབྱེ་བ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཅོམ་ལྡན་སྟོབས་ཆེན་བདག་པོ་དེས། འདི་སྐད་ཅེས་བཀའ་སྩལ་ཏོ།། ཀྱེ་འདུས་པའི་ཚོགས་རྣམས་ཉོན་ཅིག། ངས་ཐབས་ཀྱི་ཡན་ལག་རྒྱས་པར
294a3 བསྟན་གྱིས། ལེགས་པར་ཉོན་ཅིག། སྐུ་ལ་བསམ་གྱིས་མི་ཁྱབ་ཀྱང་བསྡུ་ན་གསུམ་དུ་འདུས་སོ།། དེ་ཡང་གང་ཞེ་ན། ཆོས་ཀྱི་སྐུ་མཚན་མའི་ཡུལ་ལས་འདས་པ་དང་།། ལོངས་སྤྱོད་རྫོགས་པའི་སྐུ་གཟུང་བའི་ཡུལ
294a4 ལས་འདས་པ་དང་། སྤྲུལ་པའི་སྐུ་ཆགས་པའི་ཡུལ་ལས་འདས་པའོ།། དེ་ཡང་ཆོས་ཀྱི་སྐུ་ལ་ཡང་གསུམ་སྟེ།། ཆོས་ཀྱི་སྐུའི་ཆོས་སྐུ་དང་།། ཆོས་ཀྱི་སྐུའི་ལོངས་སྐུ་དང་། ཆོས་ཀྱི་སྐུའི་སྦྲུལ་སྐུའོ།། དེ་ལ་ཡང་ཆོས་ཀྱི
294a5 སྐུའི་ཆོས་སྐུ་ནི་རིག་པ་ཆོས་ནི་ཡུལ་དུ་སྣང་བ། སྐུ་ནི་རིག་པའི་ངོ་བོ་མ་འགགས་པའོ།། ཆོས་སྐུའི་ལོངས་སྐུ་ནི་འོད་ལྔའོ།། ཆོས་སྐུའི་སྦྲུལ་སྐུ་ནི་མིག་ནི་དབང་པོ་མཐོང་བ་མ་འགགས་པའོ།། ཆོས་ཀྱི་སྐུའི་ཡུལ་ནི
294a6 ནམ་མཁའ་རྣམ་པར་དག་པ།། ཆོས་ཀྱི་སྐུའི་གནས་ནི་ཙིཏྟ།། ཆོས་ཀྱི་སྐུའི་ལམ་ནི་རིན་པོ་ཆེ་ཤེལ་གྱི་སྦུ་གུ་ཅན་ནི།། ལོངས་སྤྱོད་རྫོགས་པའི་སྐུ་ལ་གསུམ་སྟེ། ལོངས་སྤྱོད་རྫོགས་པའི་སྐུའི་ཆོས་སྐུ་དང་། ལོངས་སྐུའི
iiif viewer powered by OpenSeadragon
