| e-texts navigator |
| Wylie |
293b1 མའི་སྐྱེས་བུ་ཡིས།། བྱ་བ་ཐམས་ཅད་བྱེད་པ་ལྟར།། ཡང་དག་རིག་པའི་དཀྱིལ་འཁོར་ནས།། སྣ་ཚོགས་སྡུད་པའི་སེམས་བྱུང་བས།། ཉོན་མོངས་ཡུལ་དུ་ལྷུག་པར་ཤར།། དེ་ཡི་དབང་དུ་མ་གྱུར་པར།། རིག་པ་ནམ
293b2 མཁའི་མཐོངས་སུ་གཟུང་བར་བྱ།། ཡང་དག་ཡེ་ཤེས་རྒྱལ་པོ་ཉིད།། ཡང་ནས་ཡང་དུ་གོམས་ཤིང་མཐར་ཕྱིན་བྱེད།། རྟོགས་དང་མ་རྟོགས་མཚན་མ་ཚིག་གི་ལམ།། ལམ་ལ་གནས་ན་ཡེ་ཤེས་མཐོང་བ་མེད།། ཡེ
293b3 ཤེས་ཉིད་ལ་ཚིག་དང་འཛིན་པ་མེད།། འཛིན་པ་སྤངས་པའི་ཆོས་ཉིད་ཀུན་ལ་རོལ།། རོལ་པ་རྒྱ་ཆེ་ཡང་དག་ཐུགས་ལས་བྱུང་།། འབྱུང་བའི་རྒྱལ་པོ་ཚིག་དང་འདྲེས་ཤིང་མཚུངས།། དཔེ་ཟླ་མེད་པའི་ཉག
293b4 གཅིག་ཐུགས་ལ་རོལ།། ཡེ་ཤེས་རོལ་པས་སོ་སོ་ཐ་དད་མཐོང་།། མཐོང་བ་ཉིད་ལ་དཔེ་ཡིས་མཚོན་དུ་མེད།། དཔེ་དང་ཡེ་ཤེས་ཕྱོགས་ལ་གནས་པ་མེད།། ཕྱོགས་སུ་འཛིན་པས་ཡེ་ཤེས་མཐོང་དུ་མེད།། ཕྲ་རགས
293b5 དྲི་མས་ཡང་དག་བདེ་བ་མེད།། ཡང་དག་ཆོས་སྤྱོད་རྟོག་པས་རྙེད་མི་འགྱུར།། བདེ་བ་འདོད་པས་བདེ་བར་རྒྱབ་ཀྱིས་ཕྱོགས།། དེ་བཞིན་ལྷ་དང་སྒོམ་པ་འདོད་པས་ལྟ་སྒོམ་ག་ལ་རྙེད།། ཡེ་ཤེས་དྲི་མ་སྤངས་ན་ཡང
293b6 དག་བདེ་བ་རྙེད།། དེ་ཕྱིར་ཕྲ་རགས་གཉིས་ཀྱི་དྲི་མ་སྤང་བར་བྱའོ།། ཞེས་རིག་པ་རང་ཤར་ཆེན་པོའི་རྒྱུད་ལས། ཕྲ་རགས་ཡེ་ཤེས་ཀྱི་དྲི་མ་སྤང་བའི་ལེའུ་སྟེ་དོན་གསུམ་པའོ།། །། དེ་ནས་ཡང་གསང་བའི
iiif viewer powered by OpenSeadragon
