| e-texts navigator |
| Wylie |
292b1 དང་བྲལ།། དྲི་མས་བྱས་པའི་ལས་ཉིད་ཀྱང་།། གསང་སྔགས་མཛད་པ་ལྔ་ཡི་ཀློང་དུ་འདུས།། སངས་རྒྱས་མཛད་པའི་ཡོན་ཏན་རྣམས།། ཆགས་མེད་རང་གྲོལ་ཉིད་དུ་ཤེས།། འཛིན་པ་མེད་པའི་ཆོས་ལས
292b2 གྲོལ།། ཞེན་པའི་དངོས་པོ་ཆོས་ལས་གྲོལ།། ཡང་དག་ལམ་གྱི་ཡུལ་ལས་གྲོལ།། དྲི་མ་ཕྲ་བའི་ཆོས་ཉིད་ཀྱང་།། སྣ་ཚོགས་བློ་ཡི་དྲི་མ་མེད།། དྲི་མ་མེད་པ་ཆོས་ཀྱི་སྐུ།། འཛིན་པའི་ཕྱོགས་སུ་ལྷུང་བ་མེད།། ཕྱོགས
292b3 དང་རིས་སུ་སྣང་བ་ཡང་།། བདེ་བ་ཆེན་པོའི་ཀློང་དུ་འདུས།། སྲིད་པའི་ཡེ་ཤེས་རང་ལུགས་ཉིད།། སྟོང་པ་ཡུམ་གྱི་མཁའ་ལ་རྫོགས།། རྫོགས་པ་གསང་བའི་དཀྱིལ་འཁོར་ཉིད།། ཙིཏྟའི་དཀྱིལ་ན་ལྷུན་གྱིས
292b4 གྲུབ།། ཐུགས་ལས་འཕྲོས་པའི་འོད་ཉིད་ཀྱང་།། ཐུགས་ལས་འདས་པའི་དབྱིངས་སུ་རྟོགས།། སྐུ་དང་གསུང་དང་ཐུགས་ཉིད་ཀྱང་།། རྒྱལ་བ་ཉིད་ལས་མེད་པར་གསུངས།། སྐུ་གསུང་ཡོན་ཏན་རྒྱལ་བ་མིན།། སྐུ
292b5 གསུང་ཐུགས་ལ་མཚན་མ་ཡོད།། མཚན་མ་ཡོད་པས་གྲོལ་མི་འགྱུར།། དེ་ཕྱིར་རྒྱལ་བ་སྐུ་ལས་འདས།། ཡང་དག་རྡོ་རྗེའི་སྐུ་ཉིད་ཀྱང་།། ངེས་པ་རྙེད་པའི་ས་ལ་གནས།། ཡེ་ཤེས་གཅིག་ཆོད་ས་ལ་ཡང་དག
292b6 འདས།། འདས་པ་ཉིད་ལ་དཔེ་མཚོན་ཕྱོགས་དང་བྲལ།། དཔེ་ཟླའི་ཕྱོགས་ལ་གནས་པ་མེད།། དཔེ་ཉིད་ཕྱོགས་དང་མཚོན་མེད་ན། མཚན་དང་དཔེ་བྱད་ཡུལ་ལ་སྐུ་ཉིད་མེད།། སངས་རྒྱས་སྐུ་ལ་ཚིག་གིས་མཚོན་དུ
iiif viewer powered by OpenSeadragon
