| e-texts navigator |
| Wylie |
292a1 ཉིད།། ངོས་བཟུང་མེད་པ་ཡང་དག་ཐུགས་སུ་ཆུད།། གསལ་བྱ་གསལ་བྱེད་མེད་པར་དེ་ཉིད་ཤར།། ལྟོས་པའི་ཆོས་ཉིད་གང་ལ་མ་ཆགས་ཤིང་།། ཆགས་པ་མེད་པར་ཡེ་ཤེས་དབྱིངས་སུ་སྡུད།། སྟོང
292a2 པ་རྡོ་རྗེའི་སྐུ་ལ་སྐྱེ་འཇིག་མེད་པ་ལྟར།། རིག་པའི་སྐུ་ལ་གསལ་འགྲིབ་མེད་པར་གསུངས།། ཆོས་དང་ཆོས་མིན་གཉིས་ནི་འདྲེས་ཤིང་མཚུངས།། དེ་ལ་ཆོས་ཅན་ཆོས་ཉིད་གཉིས་སུ་འདོད།། ཆོས་ཉིད་མེད་པས་ཆོས
292a3 ཅན་ག་ལ་ཡོད།། ཆོས་ཉིད་སྐྱེ་མེད་སྙིང་པོར་གསུངས།། ཆོས་ཅན་ཡུལ་ལ་བག་ཆགས་སྡུད་པར་གསུངས།། བག་ཆགས་བརྟན་ནས་ཆོས་ཉིད་མེད་པར་གསུངས།། ཡང་དག་ཆོས་ལ་བག་ཆགས་ཀ་ནས་མེད།། བག
292a4 ཆགས་ཡོད་ན་སྒྲོན་མ་མེད་པར་འགྱུར།། སྒྲོན་མའི་ཡུལ་ལ་ཕྲ་རགས་མེད་པའི་ཕྱིར།། ཡེ་ཤེས་སྣང་བ་ཀ་ནས་དག་པ་ཉིད།། ཕྲ་རགས་ཉིད་ཀྱིས་མ་བསྒྲིབས་པར།། སྒྲོན་མའི་ཡུལ་ལ་མངོན་པར་སྣང་།། སྣང་བ
292a5 སེམས་ལས་མ་བྱུང་ཞིང་།། རང་ལས་བྱུང་བའི་ཆོས་ཉིད་ལ།། འཁྲུལ་པ་བསམ་གྱིས་མི་ཁྱབ་འཕྲོ།། དྲི་མ་གཉིས་ཀྱི་ཆོས་རྣམས་ཀུན།། སྣང་བའི་ཕྱོགས་དང་བྲལ་བའོ།། ཀྱེ་མ་མཛད་སྤྱོད་གསང་བའི་སྤྱོད་པ
292a6 ནི།། གསང་སྔགས་ཡུལ་གྱི་སྙིང་པོ་ཉིད།། དྲི་མེད་ཟླ་བ་དཀར་པོ་ཉིད།། མུན་པ་སེལ་བའི་དཔེ་དང་མཚུངས།། གསང་སྔགས་ཐབས་ཀྱི་སྤྱོད་མཛད་པ།། ཐབས་ཉིད་སྐུ་ལས་ཡང་དག་སྤྲུལ།། དེ་ཡང་དྲི་མ་གསུམ
iiif viewer powered by OpenSeadragon
