| e-texts navigator |
| Wylie |
291b1 སྐུ།། འགྲོ་དང་འོང་བ་མེད་པར་རྟོགས།། དྲི་མ་གསུམ་དང་བྲལ་བའི་ཆོས།། སངས་རྒྱས་སེམས་ཅན་ག་ལ་ཡོད།། ཕྲ་རགས་ལྔ་དང་བྲལ་བའི་ཆོས།། ཐ་དད་དུ་མ་ག་ལ་ཡོད།། དྲི་མ་བཞི་ཡིས་བཅིངས་པ
291b2 རྣམས།། མཐར་ཕྱིན་གྲོལ་བར་མ་གྱུར་ཀྱང་།། རྟོག་པ་རགས་པའི་སེམས་ཅན་རྣམས།། ཡང་དག་དོན་ཉིད་བལྟ་འདོད་ན།། ང་ཡིས་བསྟན་པའི་ལུང་ལ་ཉོན།། ང་ཡི་ཆོས་ཉིད་ཡུལ་ལ་ལྟོས།། ང་ཡི་བདེན་པའི་ལམ
291b3 ལ་ཞུགས།། ཕྲ་རགས་ལྔ་ཡི་དྲི་མ་རྣམས།། རྣམ་དག་ཡེ་ཤེས་ལྔ་ལ་ལྟོས།། ཕྲ་རགས་གཅིག་གིས་བཅིངས་པ་རྣམས།། ང་ཡི་རིག་པའི་རྒྱལ་པོ་ལྟོས།། དྲི་མ་ཡུལ་གྱིས་བཅིངས་པ་རྣམས།། དེ་བཞིན་ནམ་མཁའི་ཡུལ
291b4 ལ་ལྟོས།། འཛིན་པ་སེམས་ཀྱིས་བཅིངས་པ་རྣམས།། ཡང་དག་དོན་གྱི་སྒྲོན་མར་ལྟོས།། མཐའ་བཞིའི་རྒྱ་ཡིས་འཐུམས་པ་རྣམས།། དྲི་མ་རྣམ་དག་སྐུ་ལ་ལྟོས།། ལེགས་པའི་ལམ་དུ་ཞུགས་པ་རྣམས།། རྒྱུད་ཀྱི་རྒྱལ
291b5 པོ་འདི་ལ་ལྟོས།། དེ་ནི་ལེགས་པར་བཤད་པའོ།། ཨེ་མ་ཧོ།། མཐའ་བཞི་བྲལ་བའི་ཆོས་སྐུ་ཆེན་པོ་དེ།། དྲི་མ་དག་པའི་མན་ཤེལ་སྐུ་ལ་ལྟོས།། མཐའ་དག་ཆོས་སྐུ་མུན་པ་སངས་པའི་སྐུ། དྲི་མེད་མུན་བསལ་མར
291b6 མེའི་དཀྱིལ་འཁོར་ལྟར།། རིག་པའི་མེ་བཞིས་མཐའ་བཞིའི་མུན་པ་བསལ།། རྒྱ་མཚོའི་གཏིང་གི་ནོར་བུས་མུན་སེལ་ལྟར།། བག་ཆགས་གཏིང་ནས་ཕྲ་རགས་རྣམ་ལྔ་སེལ།། འཛིན་པ་དྲུག་དང་བྲལ་བའི་ཡེ་ཤེས
iiif viewer powered by OpenSeadragon
