| e-texts navigator |
| Wylie |
291a1 ཅད་བསྲེག། མེ་ཉིད་རང་ལས་བྱུང་ཞིང་རང་གི་ཡུལ་ལས་འདས།། དེ་ལས་ཆུ་བྱུང་གཅིག་གི་ངང་དུ་ཐམས་ཅད་སྡུད།། དེ་ནས་མི་གཡོ་མཉམ་པར་གནས་ཤིང་སྤྲུལ་པར་སྤྲུལ།། གསང་བའི་མཛོད་ནས
291a2 ཡེ་ཤེས་ས་བོན་ལྔར་སྣང་ཞིང་།། སྒོ་ལྔའི་ཡུལ་ལས་ཐལ་བའི་སྣང་བ་ལྔ།། མ་བཀོད་མཛེས་པའི་ཚུལ་དུ་ཡོངས་ལ་གསལ།། བདེ་བའི་ཆོས་ཉིད་ཀུན་གྱི་སྙིང་པོ་ཡིན་པ་རང་ཡིས་བཤད།། ཀུན་བཟང་རོལ་པ་ཐབས
291a3 དང་དབྱེར་མེད་སྤྱོད།། ཆགས་མེད་ས་ལ་ཐབས་ཀྱི་ཕ་རོལ་ཕྱིན།། ཐབས་ཉིད་སྐྱེ་འགག་མེད་པར་ཕ་རོལ་ཕྱིན།། ཚིག་མེད་ཡི་གེ་མེད་པས་ཐབས་ཀྱི་སྐུ་ལ་སྦྱོར།། སྐྱེ་མེད་རྣམ་དག་ཐབས་ཀྱི་གསུང་ལ་རོལ།། འཛིན
291a4 མེད་རང་གྲོལ་ཐབས་ཀྱི་ཐུགས་ལ་འཛིན།། ཡང་དག་ཐབས་ལ་ཅིས་ཀྱང་སྒྲོ་དུ་བ་མེད།། ཅེས་རིག་པ་རང་ཤར་ཆེན་པོའི་རྒྱུད་ལས།། ཐབས་ཀྱི་སྒོ་བསྡུས་ཏེ་བསྟན་པའི་ལེའུ་སྟེ་དོན་གཉིས་པའོ།། །། དེ་ནས
291a5 ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་རྡོ་རྗེ་འཆང་།། བདག་ཅག་མོས་པའི་འཁོར་རྣམས་ལ།། ཡང་དག་དོན་ཉིད་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ
291a6 མ་རྡོ་རྗེ་འཛིན་པ་ཉོན།། ངས་བསྟན་ལེགས་པར་ཡིད་ལ་ཟུང་།། ཡང་དག་ཆོས་ནི་བདག་དང་བྲལ།། སེམས་ལ་སོགས་པའི་ཉོན་མོངས་རྣམས།། དྲི་མའི་མཐའ་དང་བྲལ་བའོ།། ཐ་དད་གསུམ་དང་བྲལ་བའི
iiif viewer powered by OpenSeadragon
