| e-texts navigator |
| Wylie |
290a1 འཁོར་ནི།། ཐུགས་རྗེ་རྟགས་ཀྱི་ཟླ་བ་ཤར།། ནོར་བུ་རིན་ཆེན་ཕུང་པོ་ལ།། ཐབས་ཀྱི་ཟླ་བ་སྐུར་ཤར་བ།། རང་བྱུང་དོན་ཉིད་མཁའ་ལ་སྤྱོད།། ཡེ་ཤེས་དོན་ལ་ཅིར་སྣང་རྫོགས།། ཡང་དག་དོན་ལ་སྣ
290a2 ཚོགས་འཕྲོ། ཐིག་ལེའི་སྐུ་ལ་སྣང་སྲིད་གསལ།། དག་པའི་ལམ་ལ་འོད་དུ་གསལ།། རིག་པའི་ངང་དུ་ཐབས་ཅད་འདུས།། གསང་སྔགས་པོ་ལ་ཐམས་ཅད་རྫོགས།། དགོངས་པ་ཡང་།། སྟོང་པའི་ལམ་ལ་འོད་ཟེར
290a3 འཕྲོ།། སྣ་ཚོགས་གཟུགས་ལས་ཡེ་ཤེས་སྐྱེས།། སྐྱེ་མེད་དང་ལས་ཆོ་འཕྲུལ་བྱུང་།། དེ་བཞིན་དོན་ཉིད་ཡེ་ཤེས་ལ།། དྲི་མའི་ཆོས་ཉིད་ག་ལ་ཡོད།། རྟགས་དང་རྡོ་རྗེའི་དོན་ཉིད་ལ།། འཛིན་པའི་སེམས་ཉིད་ག་ལ
290a4 ཡོད།། མཉམ་ཉིད་གཏིང་མཐའ་ཡས་པ་ལ།། སྟོང་པའི་ཡེ་ཤེས་ཡུལ་ལས་འདས།། སེམས་དང་ཡེ་ཤེས་འདྲེས་ཤིང་མཚུངས།། དེ་ལས་གྲོལ་བར་བྱ་བའི་ཐབས།། སེམས་ནི་དྲི་མའི་རང་བཞིན་པས།། དྲི་མ་ཉིད
290a5 ལས་ཐར་དུས་མེད།། སེམས་ལས་སྣ་ཚོགས་འབྱུང་བ་ཡིན།། སྣ་ཚོགས་གཅིག་གི་རང་བཞིན་ལས།། རིག་པའི་ཀློང་དུ་མྱ་ངན་འདས།། ཨེ་མ་ཧོ།། ཡེ་ཤེས་དག་པའི་རང་བཞིན་ལ།། དྲི་མའི་ཆོས་ཉིད་ཀ་ནས
290a6 དག། དག་པའི་ཆོས་ལ་གསལ་འགྲིབ་མེད།། སྟོང་པའི་ཆོས་ལ་སྐྱེ་འགག་མེད།། གསལ་བའི་ཐབས་ལ་སྤང་ལེན་མེད།། ཡེ་ཤེས་དོན་ལ་འདས་པ་མེད།། རྡོ་རྗེའི་དོན་ལ་འགྱུར་བ་མེད།། དག་པའི་ས་ལ་སྦྱང་དུ
iiif viewer powered by OpenSeadragon
