| e-texts navigator |
| Wylie |
289b1 འཁོར་གསལ་བ་ལ།། ཡིད་ཀྱི་རྟོག་པ་མ་འགྱུས་པ།། ཐབས་ཀྱི་དཀྱིལ་འཁོར་མཆོག་ཏུ་གསུངས།། འབྱུང་བ་ལྔ་ཉིད་ཐབས་ཀྱི་སྐུ།། ཆེན་པོ་ལྔ་ཉིད་ཐབས་ཀྱི་ཡུལ།། སྣ་ཚོགས་འབྱུང་བ་ཐབས་ཀྱི་གསུང་།། རྟོག་པ
289b2 མེད་པ་ཐབས་ཀྱི་ཐུགས།། དེ་ཉིད་མཐོང་བ་ཐབས་ཀྱི་ལམ།། ཐབས་ཉིད་མ་འགགས་ཆོས་ཉིད་དོན།། ཡང་དག་ས་ལ་མི་གཡོ་ཞིང་།། བདེན་པ་མཐོང་བའི་ས་ཉིད་ལ།། མཐར་ཕྱིན་ཏིང་འཛིན་ཐོབ་པ་ཉིད།། ཐབས
289b3 ཀྱི་དཀྱིལ་འཁོར་ཆེན་པོར་བཤད།། ཡེ་ཤེས་རྒྱལ་པོ་རྙེད་པ་ཉིད།། ཐབས་ཀྱི་དཀྱིལ་འཁོར་མཉམ་པ་ཉིད།། མཚན་མའི་ཆོས་དང་བྲལ་གྱུར་ན།། ཐབས་ཉིད་རྫོགས་པ་ཆེན་པོའོ།། ཐབས་ཀྱི་དབྱེ་བ་འདི་ལྟ
289b4 སྟེ།། ཐམས་ཅད་སྐྱོབ་པའི་ཐབས་དང་ནི།། བརྟེན་པ་ལམ་གྱི་ཐབས་ཉིད་དང་།། འཇུག་པ་ལས་ཀྱི་ཐབས་ཉིད་དང་།། འགྲོ་བ་བསྒྲལ་བའི་ཐབས་དང་ནི།། ལམ་ཉིད་རྟོགས་པའི་ཐབས་དང་ནི།། འབྲས་བུ་ཤེས
289b5 པའི་ཐབས་ཉིད་དོ།། ཤེས་རབ་ཡུམ་གྱི་ཐབས་དང་ནི།། གསང་བའི་ཡེ་ཤེས་ཐབས་ཉིད་དོ།། མཚོན་པ་དཔེ་ཡི་ཐབས་དང་ནི།། ཡང་དག་དོན་གྱི་ཐབས་ཉིད་དོ།། སྒྲོན་མ་ཡུམ་གྱི་ཐབས་དང་ནི།། མཁའ་མཉམ་སྐུ
289b6 ཡི་ཐབས་ཉིད་དོ།། ཡོད་པ་རྟགས་གྱི་ཐབས་དང་ནི།། རང་གསལ་འབྲས་བུ་ཐབས་ཉིད་དོ།། སྟོང་པ་མེད་པའི་ཐབས་དང་ནི།། རང་བཞིན་གསང་བའི་ཐབས་སུ་བཤད།། ཨེ་མ་ཧོ།། ཡང་དག་ཐུགས་ཀྱི་དཀྱིལ
iiif viewer powered by OpenSeadragon
