| e-texts navigator |
| Wylie |
289a1 འགྲོ་བར་བྱེད་པ་ནི། སངས་རྒྱས་དགོངས་པ་རྙེད་པའི་རྟགས་ཡིན།། འཛིན་རྟེན་གྱི་བྱ་བ་བྲལ་བ་ནི་སྣང་བ་ཕྱོགས་མེད་དུ་མཐོང་བ་ཡིན། དེ་རྣམས་མིན་པར་འདི་ལྟར་བྱུང་ན། ཁ་ཚིག་ལ་སྤྱོད་ཅིང
289a2 གཏིང་མ་རྟོགས་པར་སྨྱོན་པ་ལྟ་བུར་གྱུར་ན།། བར་ཆད་ཀྱི་བདུད་བྱུང་བ་ཡིན་པས། ཚོགས་རྒྱ་ཆེན་པོ་བཏང་ལ་ཉམས་སུ་བླང་། ཡང་ན་དྲན་པ་ཉམས་པ་ལྟ་བུ་བྱུང་ན་སྣང་བ་མ་མཐོང་བའི་རྟགས་ཡིན་པས། རྩ
289a3 གསུམ་བཟློག་པ་བྱ།། མཁའ་འགྲོ་མས་ལུང་བསྟན་དུ་བྱུང་ན། ཉམས་བལྟ་བ་ཡིན་པས་དགོངས་པ་ལ་གཏད། རྟགས་དེ་བཞིན་དུ་བྱུང་ན་དགོངས་པ་ཚད་དུ་ཕྱིན་པའི་རྟགས་ཡིན།། ཞེས་རིག་པ་རང་ཤར་ཆེན་པོའི
289a4 ལས། རྟགས་བསྟན་པའི་ལེའུ་སྟེ་དོན་གཅིག་པའོ།། ། དེ་ནས་ཡང་གསང་བའི་བདག་པོས་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། བདག་ཅག་མོས་པའི་འཁོར་རྣམས་ལ།། ཐབས་ཀྱི
289a5 དཀྱིལ་འཁོར་གསུང་དུ་གསོལ།། ཞེས་ཞུས་སོ།། དེ་ནས་ཡང་སྟོན་པས་བཀའ་སྩལ་པ། ཀྱེ་ཧེ་གསང་བའི་བདག་པོ་ཉོན།། ངས་བསྟན་ལེགས་པར་ཡིད་ལ་ཟུང་།། ཐབས་ཀྱི་དཀྱིལ་འཁོར་གསུངས་པ་ནི།། ཡང
289a6 དག་ཐུགས་ནི་རྣམ་པར་རོལ།། གསང་སྔགས་ཐབས་ཀྱི་རང་བཞིན་པས།། ཐབས་ལ་གནས་ཤིང་སྤྲད་པར་བྱ།། ཐབས་ནི་གསང་སྔགས་ཀུན་གྱི་ལམ།། ཡང་དག་ཆོས་ཉིད་ཐབས་ལ་གནས།། རིག་པའི་དཀྱིལ
iiif viewer powered by OpenSeadragon
