| e-texts navigator |
| Wylie |
288b1 བདེ་བ་དང་ལྡན་པ་དང་།། འཇིག་རྟེན་འདི་ལ་མངོན་པར་ཞེན་པ་མེད་པ་དང་།། སྣང་བ་ཐམས་ཅད་འོད་དུ་འཆར་བ་དང་།། འོད་ལ་སྐུའི་ཚོམ་བུ་མ་འགགས་པར་འཆར་བ་དང་།། འཛིན་པ་མེད་པའི་ལུས་བདེ་བ
288b2 དང་།། ཤེས་པ་རྩེ་གཅིག་ཏུ་གྱུར་པ་དང་། ཤེས་པ་དང་གིས་དལ་བ་དང་། ཤེས་པ་མི་གཡེངས་པ་དང་། ཤེས་པ་གཞན་ལ་མི་འཇུག་པ་དང་། ཤེས་པ་ཅི་ཡང་མ་ཡིན་པར་རྟོགས་པ་དང་། ཤེས་པ་མི་འགྱུར་བ
288b3 དང་།། ཤེས་པ་མ་འགགས་པར་གསལ་བ་དང་།། ཤེས་པ་མི་རྟོག་པར་འཆར་བ་དང་། ཤེས་པ་འཛིན་པ་མེད་པར་རང་གྲོལ་བ་དང་།། ཕྱི་ནང་གི་ཆོས་ལ་འཛིན་པ་ཆུང་བ་དང་།། ལུས་ལ་ཆགས་པ་དང་ཞེན་པ་མེད
288b4 པ་ཡིན་ནོ།། སྔ་རྟགས་དེ་རྣམས་དང་ལྡན་ན། ཡེ་ཤེས་ཀྱི་སྣང་བ་ལ་ཐོགས་རྡུགས་མེད་པར་གྲོལ་ལོ།། རིགས་ཀྱི་བུ་དེ་མྱ་ངན་ལས་འདས་པའི་རྟིང་ལ་ཡང་། འོད་དང་སྒྲ་དང་གདུང་དང་རིང་བསྲེལ་དང་། ས་གཡོ་བ
288b5 ལ་སོགས་འབྱུང་ངོ་།། སངས་རྒྱས་དང་བྱང་ཆུབ་སེམས་དཔའ་རྣམས་ཀྱང་དེ་ལ་ཕྱག་བྱེད་པ་ལ་སོགས་པ་རྣམས་འབྱུང་ངོ་།། མི་མ་ཡིན་པ་རྣམས་ཀྱིས་གྲོགས་བྱེད་ཅིང་།། རྟག་ཏུ་དེ་དང་མི་འབྲལ་ལོ།། འོད་ཀྱིས
288b6 འཇིག་རྟེན་གང་ན་འདུག་པ་དེ་མཐོང་ནས།། དེ་ལ་འཛིན་པ་མ་སྐྱེས་པས། རང་གིས་རང་ཡིན་པར་ངོ་ཤེས་པའོ།། མི་དང་འགྲོགས་སྙིང་མི་འདོད་པ་ནི། རང་གི་སྣང་བ་ཤར་བའི་རྟགས་ཡིན་ནོ།། རི་ཕུག་དག་ཏུ
iiif viewer powered by OpenSeadragon
