| e-texts navigator |
| Wylie |
288a1 བའི་ཚད།། མོས་པའི་འཁོར་ལ་གསུང་དུ་གསོལ།། ཞེས་ཞུ་བ་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་གསང་བའི་བདག་པོ་ཉོན།། ངས་བསྟན་ལེགས་པར་ཡིད་ལ་ཟུང་།། མཚན་མའི་ཡིད
288a2 ཀྱི་རྟོག་པ་སོལ།། རྟོག་པས་གཡེངས་པའི་བདུད་རྣམས་ཆོམས།། བྱ་བས་གཡེངས་པའི་བར་ཆོད་སོལ།། རིག་པ་འགྱུར་མེད་རྟ་ལ་ཞོན།། ཡང་དག་འོད་ལ་རྟག་ཏུ་ལྟོས།། སྟོན་པས་ཚིག་གིས་དོན་ཆེན་མཚོན།། དོན
288a3 ཆེན་རྒྱལ་པོ་མཐོང་བའི་ཚད།། འདི་ཡིས་ཡང་དག་གཟུང་བར་བྱ།། གཅིག་པུར་བསྡད་ན་བདེ་བ་འཐོབ།། རང་སྣང་གྲོགས་སུ་འཆར་བའི་ཕྱིར།། ཕ་རོལ་སེམས་དང་མཐུན་པ་ཡིན།། རང་གི་དེ་དང་མི་འབྲལ
288a4 ཕྱིར།། ཆགས་དང་ཞེན་པ་མེད་པར་འགྱུར།། རང་གི་ས་ལ་འགྲོ་བའི་ཕྱིར།། གང་ལ་ཞེ་འདོད་བྱེད་མི་འགྱུར།། རང་གི་དོན་ཉིད་རྙེད་པའི་ཕྱིར།། ཤིང་བལ་འདབ་མ་བཞིན་དུ་ཡང་།། འབུ་དང་སྲིན་བུ་དེངས་པའི
288a5 ཕྱིར།། ཞེས་བཀའ་སྩལ་པས།། གསང་བའི་བདག་པོ་རྟོགས་པ་རབ་ཏུ་སྐྱེས་ནས། འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་ཆེན་པོ། བདག་ཅག་རྣམས་ལ་རྟོགས་པའི་སྔ་རྟགས་རྒྱས་པར་གསུང་དུ་གསོལ།། ཞེས
288a6 ཞུས་སོ།། དེ་ནས་ཡང་སྟོན་པས་བཀའ་སྩལ་པ། ཀྱེ་གྲོགས་པོ་དག་ཉོན་ཅིག། ངས་དོན་མ་ནོར་བར་བསྟན་གྱིས། ལེགས་པར་ཉོན་ཅིག། སངས་རྒྱས་ཀྱི་དགོངས་པ་རྙེད་པའི་ཚད་འདི་རྣམས་ཀྱིས་ཟུང་ཞིག། དེ་ཡང
iiif viewer powered by OpenSeadragon
