| e-texts navigator |
| Wylie |
287b1 མེད།། སེམས་མེད་ཤེས་རབ་ཡུལ་ལ་སྣང་།། མཽད་བྲལ་ཤེས་རབ་ཡུལ་དང་བྲལ།། སྒྲོན་མའི་ཤེས་རབ་ཁྱབ་གདལ་ཆེ།། འདུས་པའི་ཤེས་རབ་བདེ་བ་ཆེ།། རྒྱ་མེད་ཤེས་རབ་འབྲས་བུ་མ།
287b2 དངོས་པོའི་ཤེས་རབ་རྟོག་པ་མེད།། དང་པོའི་ཞེས་རབ་རྟོག་པ་མེད་། ཀྱང་བྱུང་བས་བརྟག། མཚན་མའི་ཤེས་རབ་ཆོས་དང་བྲལ།། དོན་དམ་ཤེས་རབ་གཟུང་དུ་མེད།། ཀུན་རྫོབ་ཤེས་རབ་ཐམས་ཅད་སྡུད།། འཛིན་པ་མེད་པའི
287b3 ཤེས་རབ་བོ།། དེ་བཞིན་རྟོགས་མེད་ཤེས་རབ་རྣམས།། འགག་མེད་དོན་ལ་སྤྱོད་པའོ།། ཤེས་རབ་ཆེན་པོ་དེ་རྣམས་ཀྱིས།། འཛིན་མེད་ཕྱོགས་དང་བྲལ་བའོ།། ཡངས་པ་མཐའ་དབུས་མེད་པའོ།། རྟོག་མེད་ངོས
287b4 བཟུང་མེད་པའོ།། རྟག་ཆད་མཐའ་ལས་འདས་པའོ།། འདས་དང་མ་འདས་མེད་པའི་དོན།། ཕྱོགས་དང་རིས་སུ་གནས་པ་མེད།། སྟོན་པ་དགྱེས་ཏེ་དེ་སྐད་གསུངས།། འཁོར་གྱིས་ཡང་དག་ཐུགས་སུ་ཆུད།། མཁའ
287b5 མཉམ་རིག་པའི་ཀློང་དུ་རྟོགས།། རྣམ་རྟོག་མེད་པའི་མཁའ་ལ་བསྐྱོད།། ཆགས་སྡང་མེད་པའི་ཡུལ་དུ་ཤེས།། ཞེས་རིག་པ་རང་ཤར་ཆེན་པོའི་རྒྱུད་ལས། ཤེས་རབ་ཀྱི་དབྱེ་བ་བསྟན་པའི་ལེའུ་སྟེ་བདུན་ཅུ་ཐམ
287b6 པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་རྡོ་རྗེ་འཆང་།། བདག་ཅག་མོས་པའི་འཁོར་རྣམས་ལ།། ཡེ་ཤེས་སྣང་བ་ཆེན་པོ་ལ།། ཤེས་རབ་རྣམས་ཀྱིས་མཐོང
iiif viewer powered by OpenSeadragon
